«Kesheden bastap sý qysymy kóterilgenin baıqaǵan bolarsyzdar. Buǵan deıin aıtyp ótkenimdeı, 2021 jyldan bastap Astana sý qoımasynan sý jetkizetin taratqyshtyń jańa jelisiniń jáne sorǵy stansasynyń qurylysy júrip jatyr. Keshe sol sý taratqyshty iske qostyq. Bul jeli úılerdegi aýyz sýdyń tıisti qysymyn jáne júıeniń turaqtylyǵyn qamtamasyz etýge múmkindik beredi», dep jazdy ákim Facebook paraqshasynda.
Ákimniń aıtýynsha jańa sorǵy-súzgi stansasynyń birinshi kezeńiniń qurylysy maýsym aıynyń sońyna deıin aıaqtalady. Nátıjesinde qaladaǵy sý tapshylyǵy máselesi túbegeıli sheshilmek.
Qurylystyń ekinshi kezeńi tamyz aıynda aıaqtalady. Bul aldaǵy 3-4 jylǵa jetetin qosymsha qysymdy qamtamasyz etedi eken.
Sonymen qatar Nura jerasty sýynan tirshilik nárin jetkizetin qubyrdy jobalaý jáne Telman massıvindegi sorǵy stansasynyń qýatyn keńeıtý jumysy aıaqtalýǵa jaqyn. Bul jobalar Astananyń aldaǵy ýaqytta aýyz sýmen qamtamasyz etý úshin qosymsha qýat beretinin elorda ákimi atap ótti.
