Qutqarýshylar shomylý maýsymyna qaraı tabıǵı jáne jasandy sý qoımalarynyń túbin tekserip, tıisti daıyndyqtardy júrgizdi. Al aptap ystyqqa baılanysty tótenshe jaǵdaılar qyzmeti sý aıdyndarynda baqylaýdy tipten kúsheıtti. Shomylý maýsymy bastalǵaly 100-ge jýyq profılaktıkalyq reıd júrgizilgen. Saralap qarasaq, jazataıym oqıǵalar kóbinese shomylýǵa ruqsat etilmegen jaǵajaılarda bolady eken.
«Aptap ystyq bastalǵannan beri patrýldeý kúsheıe tústi. Ásirese adam aıaǵy jete bermeıtin jaǵalaýlarǵa qaıyqpen jetip, demalýshylarǵa eskertý jasaımyz. Bizdiń qoldan keler jumys osy. Demalystaryna shekteý qoıa almaımyz. Al qaýipsizdikti saqtaý – árkimniń óz mindeti», deıdi ShQO TJD bastyǵynyń orynbasary Arman Toqanov.
Qazirgi ýaqytta oblys aýmaǵynda shomylýǵa arnalǵan 21 ýchaske anyqtalyp, 74 orynǵa tyıym salynǵan eken. Osy tyıym salynǵan shomylý oryndarynda 22 tyıym salý belgisi ornatylǵan. Onyń ústine, kún ystyq bolǵanymen, sý áli tıisti mólsherde jylyna qoımaǵan. Dene tartylyp qalmaýy úshin sýdyń jylylyǵy 20 gradýstan tómen bolmaýy kerek. Demalýshylar joǵaryda aıtylǵan aqparattardy eskerip júrgeni abzal. Eskertýge baǵynbaǵan azamattar zań aıasynda jaýapkershilikke tartylyp, olarǵa aıyppul salynady.
Shyǵys Qazaqstan oblysy
