Mamandar usynǵan boljamǵa sáıkes, eldiń basym bóliginde jaýyn-shashynsyz aýa raıy kútiledi.
«Ońtústik-shyǵys, soltústik-shyǵys, shyǵys, shetki batysta, kúndiz Qazaqstannyń ortalyǵynda qysqa merzimdi jańbyr jaýyp, naızaǵaı oınaıdy, burshaq jaýýy múmkin», deıdi sınoptıkter.
Respýblıka boıynsha jel kúsheıse, ońtústikte, ońtústik-batysta, ortalyqta shańdy daýyl bolady, al soltústikte tuman túsedi.
Mańǵystaý, Atyraý, Batys Qazaqstan, Qyzylorda oblystarynyń basym bóliginde, Aqtóbeniń ońtústiginde, Túrkistan oblystarynyń shóldi aımaqtarynda qatty ystyq kútiledi.
Astanada kóshpeli bult shyǵady, kún jaýyn-shashynsyz ótedi. Soltústik-shyǵystan 9-14 m/s jel soǵady. Aýa temperatýrasy túnde +6+8°S, kúndiz +21+23°S.
Almatyda da kóshpeli bult shyǵady, jaýyn-shashyn kútilmeıdi. Soltústik-shyǵystan 3-8 m/s jel soǵady. Aýa temperatýrasy túnde +18+20°S, kúndiz +30+32°S.
Shymkentte kóshpeli bult shyǵady, jaýyn jaýmaıdy. Shyǵystan soǵatyn jeldiń ekpini 8-13 m/s deıin jetedi. Aýa temperatýrasy túnde +20+22°S, kúndiz +36+38°S.
