«Qazaqstan – osy geosaıası aımaqta saıası júıesin qysqa merzim ishinde túbegeıli ózgertken birden-bir memleket. Tyń ózgeristerdiń arqasynda saıası reformalardyń Qazaqstanǵa ǵana tán erekshe úlgisi qalyptasty. Keleshekte de onyń mán-mańyzy arta bermek. Alaıda qolda bar jetistikke toqmeıilsip otyrýǵa bolmaıdy. Alda uzaq jol, aýqymdy jumys bar», dedi el Prezıdenti.
Memleket basshysynyń aıtýynsha, Ádiletti Qazaqstandy qurý mınıstrler men ákimderdiń ǵana mindeti emes. Oǵan búkil qoǵam bolyp jumylý kerek. Al, túpki maqsatymyzǵa jetý úshin saıası-ekonomıkalyq reforma jasaý jetkiliksiz.
«Eń bastysy, ár azamattyń sana-sezimi jańǵyrýy qajet. Halqymyzdyń dúnıetanymy jáne ómirlik ustanymdary ózgerýge tıis. Áıtpese, basqa reformanyń bári beker. Bir sózben aıtsaq, pıǵyl ózgermese, eshteńe de ózgermeıdi», dedi Q.Toqaev.
