Halyqaralyq forým barysynda qazaqstandyq rejıser Tımýr Bekmambetov jýyrda óziniń volonterlik jobasyn uıymdastyratynyn málimdedi.
«Meniń balalyq shaǵym Atyraýda ótti. Sol jerdegi tanystarym shaǵyn óńirler men qalalardan shyqqan adamdar shetkeri aımaqtaǵy jastarǵa úlgi bola alatynyn aıtyp, oıyma jaqsy ıdeıa saldy. Osy tusta Qazaqstannyń shaǵyn eldi mekenderinde týyp-ósip, úlken jetistikke jetken, esimderi búkil álemge tanylǵan azamattar óte kóp. Máselen, Oraldan shyqqan Sáýle Omarovanyń orny bólek. Ilon Masktyń tyń jobalaryna qatysyp júrgen Sanjar Taıjandy da erekshe atap ótýge bolady. Mundaǵy volonterlik bastamanyń ıdeıasy – qazaqtan shyqqan álemdik tulǵalardy týǵan jerine shaqyryp, jerlesteriniń júrekterine úmit otyn uıalatý, úlken tájirıbesin, zamanaýı daǵdylaryn, el ishinde bolyp jatqan jaǵdaılarǵa qatysty pikirleri men usynystaryn ortaǵa shyǵarý. Ol úshin qazaqstandyq saıasatkerler men eriktiler uıymdarynyń qoldaýy aýadaı qajet. Sizderdi osy bastamany qoldaýǵa shaqyramyn», dedi Tımýr Bekmambetov óz sózinde.
