Birinshiden, 2023-2027 jyldar kezeńinde eń tómengi bazalyq zeınetaqy mólsherin kezeń-kezeńimen 54-ten 70%-ǵa deıin, ıaǵnı eń tómengi kúnkóris shamasynan 100-den 120% deńgeıine jetkizý kózdelgen.
Osy kezeńde bazalyq zeınetaqy mólsheri orta eseppen 51%-ǵa deıin kóteriledi. Bul rette bazalyq zeınetaqynyń ortasha mólsheriniń jyl saıynǵy ósýi shamamen 13%-dy quraıtyn bolady. Aıta ketsek, bul Qazaqstannyń barlyq 2,2 mıllıon zeınetkerine áser etedi.
Ekinshiden, 2023 jylǵy 1 qańtardan bastap zeınetkerlikke shyǵatyn azamattar úshin yntymaqty zeınetaqyny esepteý úshin paıdalanylatyn eń joǵary tabys mólsheri 46-dan 55 aılyq eseptik kórsetkishke deıin ulǵaıtyldy.
Osy sharalardy iske asyrý 2025 jylǵa qaraı úsh jyl ishinde jıyntyq zeınetaqyny orta eseppen 27%-ǵa – 109-dan 138 myń teńgege deıin arttyrýǵa múmkindik beredi. Sondaı-aq bul jıyntyq zeınetaqydaǵy memlekettik tólemderdiń úles salmaǵynyń artýyna ákeledi.
Jyl saıynǵy ósimdi eskere otyryp, jıyntyq zeınetaqynyń ortasha mólsheri 120,7 myń teńgeni quraıdy (bazalyq – 37 862 teńge, ortaq – 82 881 teńge).
Úshinshiden, zeınetaqy mólsherin arttyrýǵa jumys berýshilerdiń mindetti zeınetaqy jarnalary (budan ári – JMZJ) esebinen qyzmetkerdiń paıdasyna shartty-jınaqtaýshy zeınetaqy komponentin engizý de yqpal etedi. JMZJ 2024 jylǵy 1,5%-dan 2027 jylǵa qaraı 5%-ǵa deıin bes jyl ishinde kezeń-kezeńimen engiziletin bolady.
Bul shara qazaqstandyqtardyń jas býynyn zeınetaqymen qamsyzdandyrý deńgeıin arttyrýǵa baǵyttalǵan, olardyń zeınetaqy mólsheri olardyń zeınetaqy aýdarymdaryna tikeleı baılanysty bolady. Olardyń zeınetaqysy úsh komponentten quralady: memleketten bazalyq zeınetaqy tólemi, jınaqtaýshy – óz aýdarymdary esebinen jáne shartty-jınaqtaýshy – jumys berýshilerdiń jarnalary esebinen.
Osylaısha, qazirgi jas urpaqty zeınetaqymen qamsyzdandyrýǵa memleket, jumys berýshi jáne qyzmetkerdiń ózi jaýapty bolady. Bul álemdik tájirıbe jáne sonymen birge árbir jumys berýshiniń áleýmettik jaýapkershiligi.
Sondaı-aq Áleýmettik kodekstiń novellalarynyń biri BJZQ salymshysynyń óziniń zeınetaqy aktıvteriniń 50%-yn óziniń derbes tańdaýy boıynsha jeke basqarýshy ınvestısııalyq kompanııalarǵa berý múmkindigin berý bolyp tabylady.
Bul azamattarǵa zeınetaqy aktıvterin basqarýǵa qatysýǵa, ózderiniń zeınetaqy josparyn qurýǵa, jınaqtaryn ınvestısııalaýdyń balama saıasatyn tańdaýǵa múmkindik beredi.
Budan basqa, Áleýmettik kodeks sheńberinde 2023 jylǵy 1 shildeden bastap BJZQ-da zeınetaqy jınaqtary bar eńbek sińirgen jyldary boıynsha zeınetkerlerge turǵyn úı jaǵdaılaryn jaqsartýǵa nemese emdelýge aqy tóleýge ózderiniń zeınetaqy jınaqtarynyń barlyq somasyn paıdalanýǵa quqyq beriledi.
