«Biz sizderdi «Spassk» oqý ortalyǵynyń aýmaǵynda kórgenimizge qýanyshtymyz. Qazirgi ýaqytta ortalyqta Ulttyq ulannyń óńirlik qolbasshylyqtar qolbasshylary, quramalar men áskerı bólimder komandırleri jáne olardyń orynbasarlarymen jedel daıyndyq boıynsha oqý-ádistemelik jıyndar ótip jatyr. Búgin olar túrli qarýlardan oq atý boıynsha tájirıbe almasty. Bul oqý-jattyǵý jıyndaryna 80-nen astam ofıser tartylǵan. Sondaı-aq osy kezdesýdi paıdalana otyryp, sizderge eki el arasyndaǵy áskerı qarym-qatynastyń nyǵaıýyna qosqan úlesterińiz úshin sheksiz alǵysymdy bildiremin», dedi general-leıtenant Erkin Botaqanov.
Kezdesý barysynda taraptar Qazaqstan Respýblıkasynyń Ulttyq ulany men Belarýs Respýblıkasynyń ishki áskerleri arasyndaǵy ishki qyzmetti jáne qaýipsizdikti uıymdastyrý perspektıvalaryn talqylady.
О́z kezeginde Belarýs Respýblıkasy Ishki áskerleri qolbasshysynyń birinshi orynbasary general-maıor Igor Býrmıstrov delegasııa múshelerin tanystyra otyryp, Qazaqstan Ulttyq ulanynyń Basqolbasshylyǵyna jyly shyraıda qarsy alǵany úshin alǵys bildirdi.
Sondaı-aq general-leıtenant Erkin Sovetbekuly delegasııa basshysy general-maıor Igor Býrmıstrovty «Ulttyq ulannyń úzdigi» tósbelgisimen marapattap, estelik syılyqtar tabys etti. Budan bólek Ulttyq ulannyń Bas qolbasshysy Belarýs eliniń ókilderin «Kúreń beret» synaǵyna baqylaýshy bolýǵa shaqyrdy.
Qurmetti qonaqtarǵa Ulttyq ulan bólimsheleri «Zańsyz qarýlanǵan qaskóılerdi izdestirý jáne olardyń jolyn kesý boıynsha batalondyq taktıkalyq toptyń arnaıy operasııasy» taqyrybynda jattyǵýlar kórsetti.
Keıin qonaqtar «KarLag» saıası qýǵyn-súrgin qurbandaryn eske alý mýzeıine ekskýrsııa jasady. General-maıor Igor Býrmıstrov «Murajaıdyń qurmetti qonaqtary» kitabyna qoltańba qaldyrdy. Budan keıin meımandar «HH ǵasyrdaǵy saıası qýǵyn-súrgin qurbandary» memorıalyna gúl shoqtaryn qoıdy.
Sheteldik delegasııa buǵan deıin de elorda tórindegi Bas qolbasshylyqtyń májilis zalynda QRUlttyq ulany Bas qolbasshysynyń birinshi orynbasary – Bas shtab bastyǵy general-maıor Qaırat Aqtanovpen kezdesý ótkizgen edi. Ol kezde qonaqtar quqyqtyq-tártip áskeriniń qyzmettik jáne jaýyngerlik tapsyrmasymen tanysty.
Sonymen qatar olar 5573 áskerı bólimine baryp, Elordalyq jedel brıgadanyń qyzmettik-jaýyngerlik is-áreketimen jáne «Úrker» turǵyn alabyndaǵy áskerı qalashyqtyń ınfraqurylymymen tanysty.
Eske salaıyq, 21 maýsym kúni Ulttyq ulannyń basshylyq quramy Belarýs eliniń ókilderi kelgen «Spassk» oqý-jattyǵý ortalyǵynda túrli qarýlardan oq atý boıynsha synaq tapsyrdy. Olardyń oqý-ádistemelik jattyǵýlary Belarýs áskerıleriniń saparymen tuspa-tus kelip otyr.
Komandırler bastaǵan qatysýshylar BMP, BTR-80 tehnıkalarynan úsh baǵytta atý jattyǵýlaryn oryndady. Sondaı-aq, olar tankke qarsy SPG-9, RPG-7, AGS-17 qarýlarymen jáne jeńil brondalǵan nysanalar men jaý áskerin joıýǵa arnalǵan NSV pýlemetinen synǵa tústi. ZÝ-23 zenıttik pýlemetinen nysanalardy joıdy.
«Ár jarty jyl saıyn Ulttyq ulanǵa qarasty áskerı bólimderdiń komandırleri men olardyń orynbasarlaryna arnalǵan oqý-jattyǵý jıyndary ótkizilip turady. Eń birinshiden bizge júktelgen jaýyngerlik tapsyrmalardy iske asyrý jónindegi jattyǵýlardy oryndaımyz. Sondaı-aq kúndelikti qyzmettegi is-sharalardy ótkizýdiń sapasyn arttyrý men komandırlerimizdiń bólim men bólimshelerdi basqarýdaǵy tyń tásilderin jetildirýdi maqsat etip otyrmyz. Búgin, ózderińiz kýá bolǵandaı, QR Qarýly Kúshteriniń qarý-jaraqtaryn qoldanýdy úıretip jatyrmyz. Máselen, BMP-2, BTR-diń qarý-jaraǵynan jáne SPG sekildi úlken kolıbrli granatometter men mınometterden, zenıttik qarýdan oq atý tásilderin kórsettik. Onyń bári komandırlerimizge qyzmet atqarý kezinde kerek bolady. Barlyq basshylyq quramdy jınap, osyndaı oqý -jattyǵýdy uıymdastyrýdyń mańyzy zor», dedi Ulttyq ulannyń Bas qolbasshysy general-leıtenant Erkin Botaqanov.
Oqý-ádistemelik jıynnyń paıdasy orasan degen pikirdi qatysýshylar da qýattap otyr.
- «Ortalyq» óńirlik qolbasshylyǵynyń uıytqy bolýymen Ulttyq ulannyń komandırleri men jaýyngerler jónindegi orynbasarlary oqý-ádistemelik oqýǵa qatysyp jatyr. Osy jıynda biz Ulttyq ulan jaýyngerleri qoldanatyn qarý túrlerinen oq atyp, sheberligimizdi shyńdadyq. Sondaı-aq Qorǵanys mınıstrliginiń bazasyndaǵy kóp qarý túrlerin qoldanyp, jattyǵýlar oryndadyq. Bul ofıserlerdiń barlyq qarý-jaraqtan oq atý qabiletin arttyryp, tájirıbe almasýǵa septigin tıgizedi, - dedi 5513 áskerı bóliminiń komandıri podpolkovnık Ǵazız Kádirbek.
Aıta keteıik, atys jattyǵýlaryna Ulttyq ulan Bas qolbasshysynyń orynbasary general-maıor Baýyrjan Ábjanov jetekshilik jasady. Ulttyq ulannyń komandırleri bastaǵan basshylyq quramnyń sapasyn arttyrýǵa arnalǵan jıyn erteń de jalǵasyn tabady. Al 24 maýsym kúni oqý-ádistemelik jıyn máresine jetedi.
