QR Aqparat jáne qoǵamdyq damý mınıstrligine qarasty Din isteri komıtetiniń arnaıy jobasy aıasynda aǵymdaǵy jyldyń 12-16 maýsym aralyǵynda Soltústik Qazaqstan oblysynda din máseleleri jónindegi respýblıkalyq aqparattyq-túsindirý tobynyń (RATT) qatysýymen dindar áıelder arasynda dinı ekstremızmniń taralýyn aldyn alýǵa baǵyttalǵan semınarlar jáne ártúrli formattaǵy is-sharalardy uıymdastyrý sheńberinde óńir turǵyndarymen birqatar kezdesýler ótkizildi.
Atalǵan kezdesýlerge RATT múshelerinen (teologtar, dintanýshylar) – T.V. Mustafına, R. Soltan, A.A. Keńesbaeva, G.K. Orazbaeva, Z.B. Malgaraeva tartyldy.
RATT músheleriniń qatysýymen Petropavl, Sergeevka qalalary, Taıynshy, Qyzyljar, Ǵ.Músirepov, Shal aqyn aýdandary, Beskól, Novoıshımskoe aýyldarynyń meshitterindegi áıel jamaǵaty, óńirlerdegi ortalyq kitaphana, mektep-lıseı men medısınalyq kolledj, din isteri basqarmasynyń mekemeleri qyzmetkerlerimen, áleýmettik osal toptaǵy áıeldermen jáne basqa da qatysýshylarmen semınarlar men kezdesýler ótkizildi.
О́tkizilgen is-sharalarda óńirlerdiń turǵyndaryna teris dinı aǵymdardyń belgileri, Qazaqstan Respýblıkasyndaǵy jalpy bilim berýdiń zaıyrly sıpaty, áleýmettik jelilerdegi Qazaqstandaǵy hıdjab týraly dıskýrstar týraly aqparattar berildi.
Sarapshylar dinniń rýhanı-adamgershilik quramdas bóligi máselelerine, qazirgi qoǵamdaǵy dindar áıelderdiń róli men áleýmettik mártebesin, sondaı-aq áıelder arasynda dinı saýattylyqty arttyrýǵa, destrýktıvti dinı aǵymdardyń áserine qarsy turý sharalaryna erekshe nazar aýdardy.
Tyńdaýshylar tarapynan da RATT múshelerine birqatar suraqtar qoıylyp, tujyrymdy jaýaptar alyndy.
