Jastar saýlyǵynyń jóni bólek

Semınardyń alǵashqy kúni qatysýshylar oblystyq jastar densaýlyǵy ortalyǵy jumy­sy­men tanysyp, medısınalyq or­talyq ǵımaratynda plenar­lyq otyrysqa qatysty. Jastar den­saýlyǵyn saqtaý jelilerin damytýdy talqylaǵan otyrys­ta oblystyq densaýlyq saqtaý basqarmasynyń basshysy Oljas Ysqaqov máseleni ashyq talqy­lap, usynystar aıtýǵa shaqyrdy.

Densaýlyq saqtaý mınıstr­ligi Medısınalyq kómekti uıym­dastyrý departamenti dırek­torynyń orynbasary Gúlnár Sársenbaeva elimizde jastar densaýlyǵy ortalyqtary 5-6 jyl­dan beri jumys istep kele jat­qanyn atap ótti. Biraq osy ortalyqtar máselesin tal­qy­laıtyn semınar alǵash ret ótki­zilip otyr. Osy jyly jastar­ǵa medısınalyq kómek kórsetý stan­darttary belgilenip, qyzmet aıasy keńeıe tústi. Ashylǵaly beri atqarylǵan jumystar orta­lyq­tyń tıimdiligi men mańyzyn dáleldedi. Degenmen de jastar saý­lyǵyn saqtaýdaǵy qadaý-qadaý máselelermen aınalysatyn osy ortalyqtardy qarjylandyrý, olardy sıfrlandyrý áli tolyq sheshimin tapqan joq.

«Búgingi semınar tájirıbe almasyp, salmaqty máseleler tó­ńireginde pikir almasýdyń úl­ken múmkindigi dep bilemiz. Alda jumysy jolǵa qoıylǵan ortalyqtar jumysyn osylaısha tanys­tyramyz», dedi ol.

Semınarda respýblıkalyq psıhıkalyq densaýlyq ǵylymı-praktıkalyq ortalyǵynyń bas dırektory Qýanysh Altynbekov balalar men jastar saýlyǵyn nyǵaıtýdyń mańyzdylyǵyna toqtaldy.

О́tken jyly elimiz boıynsha 14-34 jastaǵylar arasynan 1943 adam alǵash ret psıhıka­lyq buzýshylyqpen tirkelgen. Al psıhoaktıvti zattardy paıdalaný áserinen osyndaı dıag­noz qoıylǵandar sany 3630 adam. Jastar jáne mentaldy den­saýlyq taqyrybynda baıandama jasaǵan mamannyń aıtýynsha qoǵamdaǵy nashaqorlyq pen oıynqumarlyq óskeleń urpaqtyń psıhıkalyq saýlyǵyna qatty áser etip otyr. Sondyqtan olarǵa kómek kórsetýdiń qazirgi ádisin ózgertkenimiz jón.

Semınarǵa BUU halyqtyń qo­nystanýy salasyndaǵy qory­nyń seksýaldyq jáne repro­dýktıvtik densaýlyq jónindegi ulttyq úılestirýshisi Serik Táńir­bergenov onlaın qatysyp, jas­tarǵa qolaıly qyzmet kórsetý­degi halyqaralyq tásilder, osy baǵyttaǵy elimizdegi tájirıbe jaıly baıandady.

Eki kúnge sozylǵan semınarda mamandar sýısıdtik minez-qulyqtyń aldyn alý, qyz­dar­dyń reprodýktıvti den­saýlyǵy, jas­tar densaýlyǵy orta­lyq­tarynyń bilim berý uıym­da­ry­men baılanysyndaǵy erek­she­likter boıynsha pikir almasyp, usynystar aıtyldy.

Qyzylorda