«Qurmetti dostar!
Barshańyzdy qasıetti Qurban aıt meıramymen shyn júrekten quttyqtaımyn!
Qurban aıt – birlik pen berekeniń jáne meıirimdilik pen qaıyrymdylyqtyń merekesi. Aıt kúnderi barsha musylman ózara qamqorlyq pen janashyrlyqqa basa mán berip, muqtaj jandarǵa qoldaý kórsetýge asyǵady. Mundaı qadam qoǵamda izgiliktiń aıasyn keńeıtip, yrys pen yntymaqty arttyra túsedi.
Bul meıram elimizde beıbitshilik pen kelisimdi nyǵaıtýǵa jáne tatýlyq pen syılastyqtyń mańyzyn tereń dáripteýge de zor yqpalyn tıgizip keledi. Sondyqtan Qurban aıt barsha qazaqstandyq úshin aıryqsha mánge ıe.
Osy ulyq merekemen quttyqtaı otyryp, elimizge amandyq, jerimizge tynyshtyq, ár otbasyna baq-bereke tileımin! Shalǵan qurbandyqtaryńyz ben tilegen duǵa-tilekterińiz qabyl bolsyn!», dep jazdy Senat spıkeri.
