«Týǵan elge saıahat» jobasyna 200 bala qatysty. Birinshi kezeń qatysýshylary saıahattan erekshe áser alǵan.
«Balalardyń sapardan kózderi janyp, zor shabytpen, ynta-jigermen kelgeni baıqalyp tur jáne bul jobaǵa berilgen eń jaqsy baǵa desek, artyq aıtqandyq bolmas. Eń qyzyqty jerlerdi tańdap, óskeleń urpaqqa ulan-baıtaq elimizdiń kórikti jerlerin kórsetýge tyrystyq. Jobaǵa qyzyǵýshylyq jyl saıyn artyp, balalar ony typyrshı, asyǵa kútetini seziledi», dep atap ótti «Samruk-Kazyna Trust» áleýmettik jobalardy damytý qorynyń bas dırektory Alfııa Adıeva.
Saıahat kerýeninde elordaǵa birinshi ret kelgender de bar. Máselen, «Qazposhta» kompanııasynyń Shortandy qalasyndaǵy bólimshesinde bes jyl jumys istep kele jatqan Gúlnar Qurmettiń 11 jasar qyzy alǵash ret týǵan aýylynan tysqary shyqqan.
«Meniń qyzym kóńildi saparǵa attanatyna qatty qýanyp, kún saıyn qońyraý shalyp otyrdyq. Sóıtip kúnde kórgenderiniń bárin sıpattap, saıahattyń, jańa qalalar men dostardyń, jalpy barlyǵynyń unaıtynyn áńgimeledi. О́mirindegi eń kúshti kanıkýl ekenin jetkizdi. «Samuryq Qazyna» qory balalar úshin osyndaı keremet múmkindik syılap, armandaryn oryndaǵanyna óte rızamyn», deıdi Gúlnar Qurmet.
Aslanbek Janahmetov te jobaǵa qatysýshylardyń qataryna kirgenine baqytty, onyń ata-anasy «Qazaqtelekom» AQ-da jumys isteıdi.
«Maǵan Túrkistan qatty unady. Men munda birinshi ret boldym jáne rasyn moıyndaý kerek, sonshalyqty keremet bolady dep kútken joqpyn. Barlyǵy óte tamasha salynǵan, samsaǵan sáýlet óneri! Saıahat barysynda jańa dostar taptym jáne geografııa men tarıh týraly molyraq bile tústim. Biz ulttyq oıyndardy kóp oınap, aǵylshyn tilin úırendik, kvest oınap, ýaqytty qyzyqty ótkizdik», dep óz áserin bólisti ol.
Joba aıasyndaǵy kelesi eki sapar taǵy 400 oqýshyny qamtıdy. Igi bastama «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qorynyń qarjylyq qoldaýymen jáne QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qatysýymen, «Áleýmettik jobalar qorymen» yntymaqtastyqta júzege asyrylyp jatyr.
