Shirkeýde ol jas dáriger Djozef Sıramen tanysyp, onyń esimin paıdalanyp, hırýrgııamen aınalysa bastaıdy. Al Koreı soǵysy kezinde leıtenant shenin alyp, keme dárigeri retinde Koreıaǵa attanǵan. Osylaısha medısınalyq bilimi joq adam «Kaıýga» kemesinde keme dárigeri bolyp jumys istegen.
Keıin Ferdınandtyń esimi gazet betterinde de kezdese bastaǵan. Bir kúni oǵan aýyr dene jaraqattaryn alǵan 16 sarbaz júgingen. Oǵan deıin Demara basqa naýqastardy penısıllınmen emdep júrdi. Sarbazdarǵa ota jasamas buryn ol hırýrgııa týraly oqýlyqty oqyp alyp, ómirinde alǵash ret barlyq otalardy óz betinshe jasady. О́tkizilgen otadan keıin barlyq sarbaz aman qalǵany tań qaldyrady. Sol kezde Ýoldo Demaranyń alaıaqtyq áreketteri jaıly bilgen Djozef Sıranyń anasy halyqqa barlyq shyndyqty jaıyp tastaıdy. Alaıaqtyǵy áshkere bolǵan soń, kemeniń kapıtany bul hırýrgtiń eshqashan qolyna skalpel ustamaǵanyna sene almaıtynyn aıtqan.
Kanada áskerı-teńiz kúshteri Demaraǵa aıyp taǵýdan bas tartyp, ony Amerıka Qurama Shtattaryna qaıtarady.
Arada biraz ýaqyt ótkennen keıin Demara Tehastaǵy túrme bastyǵynyń orynbasary qyzmetin atqarady. Onda Demara qylmyskerlerge qoldanylatyn psıhologııalyq qaıta qurýdyń mańyzdy baǵdarlamasyn bastap, ony sátti aıaqtady.
Ferdınand Ýoldo Demara 1982 jyly júrek talmasynan qaıtys boldy.
Aıta keteıik, Ferdınand týraly birneshe kitap jazylyp, fılm men serıaldar túsirildi.
