«Teńiz» ken ornynan alynatyn propandy óńdeıtin kásiporyn jylyna 500 myń tonna joǵary sapaly polıpropılen óndirýge qaýqarly. Bul álem boıynsha polıpropılen óndirisiniń 1 paıyzyn quraıdy.
Marat Qarabaev KPI Inc. kompanııasynyń basshylyǵyna óndiriletin polıpropılenniń jyldyq kórsetkishin arttyrý joldaryn qarastyryp, naqty jospar usynýdy tapsyrdy.
Sondaı-aq delegasııa propandy quıý jáne saqtaý parkiniń, daıyn ónim qoımasynyń, propandy degıdrleý jáne propılendi polımerleý tehnologııalyq qondyrǵylarynyń, zaýyttyń negizgi qondyrǵylarynyń, qosalqy elektr stansasynyń, ortalyqtandyrylǵan operatorlar zalynyń jumysymen tanysty. Sonymen qatar SGS zaýyt zerthanasyna baryp, polıpropılen óndirisin kózben kórdi. Qyzmetkerlermen jumys barysy týraly pikir almasty.
Aıta keteıik, óndiris oshaǵy elimizdiń polıpropılenge degen suranysyn ótep qana qoımaı, qurylys, medısına, avtomobıl qurastyrý, tamaq ónerkásibi sekildi salalarda polıpropılennen túrli buıym shyǵaratyn shaǵyn jáne orta bıznestiń damýyna yqpal etedi.
