Mınıstr «Kaspıı» tushylandyrý zaýytynyń qurylys barysymen tanysty. Munaıly, Túpqaraǵan jáne Qaraqııa aýdandarynyń turǵyndaryn sýmen turaqty túrde qamtamasyz etý úshin bıýdjettik kredıtteý sheńberinde osy jobany iske asyrýǵa 12,3 mlrd teńge bólindi. Qazir nysanda qurylys-montaj jumystary 80%-ǵa oryndalǵan.
Kelesi kezekte vedomstvo basshysy kemelerdi, qaıyqtar men teńizge arnalǵan tehnıkalardy jóndep, qyzmet kórsetetin, sondaı-aq keme qurylysy men teńiz qurylymdarynyń óndirisimen aınalysatyn «Keme jabdyqtary jáne servıs» kompanııasyna bardy. Atalǵan kompanııa «Balyqshy» JShS-ne tıesili «Atash» teńiz munaı operasııalaryn qoldaý bazasynda keme jóndeý jumystaryn júrgizip keledi. Bul uıym qurylǵaly beri tehnıkalyq qyzmet kórsetý boıynsha 140-tan astam joba sátti júzege asty.
Buǵan qosa QR IIDM basshysy «Kaskor-MashZavod» mashına jasaý kásipornynyń áleýetin baǵamdady. Kompanııa munaı-gaz óndirýge arnalǵan jabdyqtardy shyǵarýǵa mamandanǵan. Kásiporyn joǵary tehnologııalyq jabdyqtarmen jaraqtalǵan jáne munaı-gaz sektory úshin birneshe kúrdeli metall konstrýksııasyn óndirýdi qosa alǵanda, ónimderdiń keń spektrin usynyp keledi. Zaýyttyń basshysy Bolat Arqarovtyń aıtýynsha, shyǵarylatyn ónim oblystyq, respýblıkalyq jáne halyqaralyq deńgeıde kóptegen bedeldi konkýrs pen kórmelerde joǵary baǵaǵa ıe bolǵan.
«Qazir bizdiń kompanııa munaı-gaz salasynda jumys isteıtin Qazaqstannyń iri jetekshi kompanııalarymen turaqty áriptestik qarym-qatynas ornatqan. Bilikti qyzmetkerlerden jasaqtalǵan komandamyz joǵary tehnologııalyq jabdyqtardyń kómegimen kez kelgen kúrdeli óndiris jobalaryn júzege asyra alady. Jospar boıynsha óndiris qýattaryn odan ári nyǵaıtýdy, kiris pen naryq úlesin ulǵaıtýdy, halyqaralyq naryqqa shyǵýdy, sonymen birge óndiriske ozyq tehnologııalar men Kaıdzen iskerlik fılosofııasyn engizýdi kózdep otyrmyz», dedi B.Arqarov.
Budan bólek Marat Kárimjanuly «QazAzot» AQ kásipornyna da aıaldady. Byltyr osy kompanııa 310 myń tonna kóleminde ammıak selıtrasyn shyǵaryp, eksport kólemi 17,8 myń tonnaǵa jetken bolatyn. Kásiporynda 1250-den astam qyzmetker jumys istep keledi. Basshylyqtyń aıtýynsha, kompanııa eńbek qaýipsizdigine erekshe kóńil bóledi. Aıtalyq, kásiporynnyń ár qyzmetkerinde táýekeldi baǵalaıtyn aılyq kartasy bar. Bul kásiporyndaǵy qaýipsizdikti qamtamasyz etetin negizgi quraldardardyń biri.
Sonymen qatar M.Qarabaev Aqtaýdaǵy káriz-tazartý júıeleriniń jumysyn tekserip shyqty. Qazir qalada 2 KTJ jumys istep tur. Halyq ósimi men №1 KTJ-niń joıylýyna baılanysty 2021 jyly jobalaý-smetalyq qujattama ázirlenip, táýliktik qýattylyǵy 40 myń tekshe metr bolatyn №2 káriz-tazartý qurylymyn salý boıynsha memlekettik saraptamanyń oń qorytyndysy alyndy. Atalǵan jobanyń jalpy quny – 7,5 mlrd teńge.
