Prezıdent ekologııalyq kún tártibin ilgeriletpeı, ornyqty ekonomıkalyq ósimge qol jetkizý jáne qoǵamnyń ál-aýqatyn arttyrý múmkin emes ekenin atap ótti. Memleket basshysynyń aıtýynsha, sońǵy kezde álem boıynsha sý tasqyny, qýańshylyq, órt, sýdyń jáne topyraqtyń lastanýy sekildi túrli tabıǵı kataklızmder aıtarlyqtaı kóbeıgeni baıqalyp otyr.
«Osy rette Qazaqstan qorshaǵan ortany qorǵaý problemasyn sheshý úshin kúsh biriktirýdi kózdeıdi. Biz mynadaı mindetterge basa nazar aýdarý qajet dep sanaımyz:
- ShYU men BUU-nyń Qorshaǵan orta jónindegi baǵdarlamasy arasynda seriktestik baılanys ornatý;
- Qorshaǵan ortany qorǵaý salasyndaǵy yntymaqtastyq týraly kelisimdi ázirleý;
- Erekshe qorǵalatyn tabıǵı aýmaqtardy jáne ekologııalyq týrızmdi damytý jónindegi yntymaqtastyq baǵdarlamasyn qabyldaý», dedi Qazaqstan Prezıdenti.
Qasym-Jomart Toqaev ortaǵa salynǵan usynystardyń barlyǵyn búgin qabyldanatyn Deklarasııada bekitilgen ShYU-nyń Ekologııa jyly aıasynda uıymdastyrýdy usyndy.
