«Intelligent Community Forum bedeldi halyqaralyq uıymynyń málimeti boıynsha elorda álemdegi eń ıntellektýaldy qoǵamdastyqtyń biri retinde ozyq 21 shahardyń qataryna endi. Sonymen qatar qalamyzda Ortalyq Azııadaǵy eń iri Astana Hub halyqaralyq IT-startaptar tehnoparki quryldy. Bul tehnopark tek elimizdiń ǵana emes, búkil aımaqtyń sıfrlyq transformasııasyna eleýli úles qosady», dedi Prezıdent.
Sondaı-aq ol ekologııa salasyna árdaıym aıryqsha kóńil bóletinin aıtty.
«Atalǵan máselede azamattardyń ekologııalyq mádenıetiniń qalyptasýy sheshýshi mánge ıe. Iri qalalardaǵy kóshelerdiń qoqystan taza bolýy turǵyndardyń azamattyq sana-sezimi joǵary ekenin anyq kórsetedi. Jaýapty qala turǵyny degenimiz – bul, eń aldymen, óz qalasynyń jáne eliniń taǵdyryna beı-jaı qaramaıtyn adam», dedi ol.
