Qatysýshylar kezdesý barysynda Qarqaraly ulttyq tabıǵı parkindegi órt qaýipsizdigine qatysty ózekti máselelerdi talqylady. Eń aldymen materıaldyq-tehnıkalyq bazany qarjylandyrý deńgeıiniń tómendigi men ulttyq park qyzmetkerleri jalaqysynyń azdyǵyna baılanysty máseleler aıtyldy.
«Ortalyq memlekettik organdar ózekti máselelerdi sheshý úshin shuǵyl jáne salmaqty sharalar qabyldaýy tıis. Tótenshe jaǵdaı týyndaǵan kezde eldi mekenderdiń turǵyndary da, qorshaǵan orta da apat aýqymynan oqshaýlanýy kerek. Senat depýtattary Palata otyrystary men depýtattyq saýaldarynda bul máselelerdi birneshe ret kótergen bolatyn», dedi senator Ershov.
Depýtat sonymen qatar Qaraǵandy oblysy ákimdigi janyndaǵy aýmaqtyq qorǵanys jónindegi áskerı bólimde de boldy. Sergeı Ershov áskerdiń ornalasqan jerin kórip, áskerı qyzmetshilermen áńgimelesti jáne osy bólimniń qyzmetimen tanysty.
Áskerı bólimniń basshysy óz kezeginde aýmaqtyq qorǵanysty uıymdastyrý jónindegi keleshek josparlar men alda turǵan mindetter týraly baıandady. Qazirgi kezde áskerı qalashyq salý týraly jospardy iske asyrý aldaǵy mańyzdy mindetterdiń biri bolyp otyr.
Senator óńirge sapardyń sońynda Qaraǵandy oblystyq máslıhatynyń tóraǵasymen kezdesti. Taraptar óńirdegi ózekti máselelerdi jáne olardy zań júzinde sheshý joldaryn talqylady.
