Elıtalyq qorǵanys qurylymy

Alǵashqyda desanttyq shabýyldaýshy brıgadasynyń bazasynda elıtalyq áskerler – Mobıldi kúshter retinde paıda bolǵan bul qurylym keıinnen Aeroutqyr áskerler bolyp ózgertilse, 2017 jyldan beri Desanttyq shabýyldaýshy áskerler retinde qaıta quryl­dy. Eldiń barlyq baǵytyndaǵy áske­rı toptardy kúsheıtý, sondaı-aq olarǵa derbes­tik berý maqsatynda ótken jyly jeltoq­san aıynda Desanttyq shabýyldaýshy ás­kerler Qurlyq áskerleriniń qu­ra­mynan shyǵarylyp, Qazaq­stan Qarý­ly kúsh­teri Bas shtaby bastyǵynyń qol astyna berildi.

Desanttyq shabýyldaýshy áskerler tarıhynyń jarqyn betteriniń biri retinde onyń bitimgerlik qyzmetine toqtaǵan jón. Atap aıtqanda, 2003 jyldan 2008 jylǵa deıin 35-desanttyq shabýyldaýshy brıgadasy bólimshesiniń bazasynda qurylǵan qazaqstandyq bitimgerlik batalonynyń ınje­nerlik-saperlik jasaǵy Irak halqyna eldi qalpyna kel­tirýge, turaqtylyq pen qa­ýip­­sizdikti qamtamasyz etýge kó­mek kórsetti. 2018 jyly BUU qol­daýymen bizdiń desant­shy­lar Lıvan Respýblıkasyna bitim­ger­lik mıssııasyn oryndaýǵa birinshi bolyp attandy. Qazaq bitim­gerleri búginde Lıvan-Izraıl shekarasyndaǵy Úndi batalonynyń quramynda qyz­met atqarady.

Desanttyq shabýyldaýshy áskerler – joǵary mobıldi jáne zamanaýı tehnıkamen jaraq­talǵan jaýyngerler toby, Jo­ǵar­ǵy Bas qolbasshynyń rezervi, jaýyngerlik tapsyrmalardy jaý tylynda da oryndaýǵa qa­bi­letti negizgi kúsh. Qazirgi ýa­qytta áskerlerdiń jaýyngerlik daıyndyq júıesindegi keıbir tásilder qaıta qarastyrylyp jatyr. Dúnıeniń ár buryshynda tutanǵan qarýly qaqtyǵystarǵa taldaý jasaı otyryp, áskerlerdi qoldanýdyń tıimdi formalaryna, ádisterine jáne taktıkasyna jańa elementter engizilý ústinde. Desantshy jaýyngerlerdiń da­ıyn­dyǵy men sheberliginiń deń­geıi oqý-jattyǵýlar barysynda synalyp, tıisti qorytyndy jasalyp otyrady

Ár jyldary elimizdiń De­sant­tyq shabýyldaýshy ás­ker­leriniń qalyptasýy men damýyna general-maıor Ýálı Elamanov, general-polkovnık Sáken Jasuzaqov, general-leıtenant Murat Maıkeev, general-maıor­lar Ádilbek Aldabergenov, Dáýlet Ospanov, Qaıdar Qara­qulov, Qanysh Ábýbákirov, Mereke Kóshekbaev syndy qol­­bas­­shylar zor úles qosty. Qa­zir Desanttyq shabýyldaýshy áskerlerdiń qolbasshysy – general-maıor Almaz Jumakeev.

Elordamyzdaǵy 68665 áskerı bólimi komandıriniń orynbasary, podpolkovnık Talǵat Joldybaıulynyń aıtýynsha, bul áskerı qurylymǵa jaýyngerlerdi alý barysynda birqatar joǵary talap qoıylady. Máselen, olar­dyń densaýlyqtarynyń ja­ram­dylyǵy A sanatyna jatý­ǵa tıis. Boılary 170 sm-den kem bolmaýy kerek. Sport­tyq da­ıyndyǵy bolǵany abzal. Desanttyq shabýyldaýshy ásker­lerde qyzmet etý qashan da bedeldi bolǵan jáne solaı bolyp qala bermek. Sondyqtan munda irikteý óte muqııat júr­giziledi. Búginde merzimdi qyz­me­tin ótkerip júrgenderdiń kóbi sporttyq dárejeleri bar jáne psı­hologııalyq turǵydan myqty azamattar.