Jarysqa AQSh, Kanada, Úndistan jáne Qytaı sııaqty álemniń 10 memleketinen 300-den astam qatysýshy jınaldy. FIRST Tech Challenge aǵa sanatynda Qazaqstannyń namysyn Almaty qalasyndaǵy RFMM men Astanadaǵy Nurorda mektebiniń komandalary qorǵap, almatylyq Bolt.M3 komandasy chempıonattyń kúmis júldesi men eń joǵarǵy eki marapatqa ıe boldy.
USTEM Robotics qorynyń basshysy Asylbek Myrzahmetovtyń aıtýynsha, ulttyq quramanyń qorjynyna túsken kúmis pen eki bedeldi marapat chempıonat qatysýshylary arasynda rekordtyq kórsetkishke ıe. Bul komandanyń joǵary kásibıligin jáne Qazaqstan men Ortalyq Azııadaǵy STEM damýyna qosqan úlesi joǵary ekenin kórsetedi.
«Bizge Connect Award syılyǵy berilgen kezde qatty qýandyq, odan keıin Think Award jáne chempıonattyń kúmis júldesin bergen sátti sózben aıtyp jitkizý múmkin emes. Mundaı jarystar biz úshin úlken tájirıbe, sondaı-aq kásibı baılanys ornatýdyń, óz elimizdiń bul salada jaqsy damyǵanyn ózgelerge kórsetýdiń mol múmkindigi. Jarystyń úsh kúni boıy matchtar arasyndaǵy úzilisterde biz basqa elderdiń qatysýshylarymen ulttyq oıyndarymyzdy oınap, olarǵa qazaq taǵamdaryn usyna otyryp, elimizdiń mádenıetimen tanystyrýǵa tyrystyq», dedi komanda kapıtany Taır Kareneev.
Qorjynǵa túsken kúmis pen eki bedeldi marapat chempıonat qatysýshylary arasynda rekordtyq kórsetkishke ıe boldy.
