Temirtaý men «ArselorMıttal Temirtaý» metallýrgııalyq kombınaty bir-birimen tyǵyz baılanysty. Qalanyń kez kelgen otbasysy Metallýrg kúnin óziniń tól merekesi sanaıdy.
15 shildede «ArselorMıttal Temirtaý» kompanııasy Temirtaý turǵyndary men qala qonaqtary úshin Metallýrgter kúnine oraı mereke uıymdastyrdy. Temirtaýda mundaı aýqymdy oıyn-saýyq kópten beri bolǵan joq.
Osy keshte «ArselorMıttal Temirtaý» AQ Bas dırektory Vladımır Iаblonskıı men Temirtaý qalasynyń ákimi Oraz Taýrbekov metallýrgter atyna asa jyly lebizderin bildirdi.
«Qurmetti áriptester, metallýrgter, sizderdi kásibı mereke – Metallýrgter kúnimen quttyqtaımyz! Metallýrg mamandyǵy erekshe minezdi, legırlengen bolattyń eń jaqsy qasıetterin boıǵa sińirgen minezdi talap etedi. Bizdiń qalada bul erekshe kún. Ol barshamyzdy biriktiredi. Osy kombınatty salǵandardyń, alǵashqy metaldy óndirgenderdiń, daǵdarystan, qaıta qurý kezeńinen ótip, osy kásiporyndy saqtap qalǵandardyń jáne qazir «ArselorMıttal Temirtaý» AQ kásipornynda jumys isteıtinderdiń barlyǵyna aıryqsha qurmet bildirgim keledi. Búgin – sizderdi quttyqtap, rahmet aıtý úshin eń jaqsy kúnniń biri. Men de ózimniń metallýrg ekenimdi maqtan tutamyn jáne osyndaı úlken Temirtaý otbasysynyń, metallýrgter otbasysynyń múshesi dep sanaımyn. Sizder – bizdiń bolashaq jeńisterimiz ben barlyq tabystarymyzdyń negizisizder. Sizderge qaýipsiz eńbek, qut-bereke jáne zor densaýlyq tileımin. Meıram qutty bolsyn!», dedi Vladımır Iаblonskıı.
Temirtaý qalasynyń ákimi Oraz Taýrbekov «ArselorMıttal Temirtaý» AQ metallýrgııalyq kombınaty – Qaraǵandy oblysynyń jáne búkil eldiń maqtanyshy ekenin atap ótti.
«Bizdiń qala ónerkásip alpaýyty jáne respýblıkamyzdyń damyǵan ónerkásiptik óńirleriniń biri bolyp sanalady. Biz úshin metallýrgııa kombınaty – qala quraýshy kásiporyn ǵana emes, sonymen qatar bizdiń ekonomıkamyzdyń, óńirimizdiń jáne elimizdiń ekonomıkasynyń lokomotıvi bolyp sanalady. Sizderge kásibı qyzmetterińizde jańa jeńister men jetistikter tileımin. Bizdiń Qazaqstannyń Magnıtkasy órkendeı bersin, qalamyz da kórkeıe bersin!», dedi Oraz Taýrbekov.
Sondaı-aq osy kúni metallýrgterdi «Jaqtaý» metallýrgter kásipodaǵynyń tóraǵasy Vıktor Shetının, Temirtaý qalasy máslıhatynyń tóraǵasy Alekseı Lomakın quttyqtady.
Metallýrgııa kombınatynyń úzdik 20 qyzmetkeri memlekettik nagrada – «Eńbek Dańqy» ordenimen marapattaldy.
«Men óte qýanyshtymyn! Mereke keremet, al ánder – bizdiń jastyq shaǵymyzǵa degen saǵynyshymyz. «Aprel» toby olardy tamasha oryndady. Mereke óte jaqsy uıymdastyrylǵan. Men osy oqıǵanyń bir bóligi bolǵanyma rızamyn. О́ıtkeni, mundaı joǵary nagradany kóp adam almaıdy. Meniń eńbegimdi basshylyǵymyz ben Qazaqstan Úkimeti atap ótkenin maqtanysh etemin», - dedi III dárejeli «Eńbek Dańqy» ordeniniń ıegeri, «ArselorMıttal Temirtaý» AQ koks-hımııa zerthanasynyń birinshi sanatty ınjeneri Svetlana Leonova.
Biraq metallýrgter úshin tosynsyılar munymen bitken joq. Kombınat qyzmetkerleri arasynda 49 velosıped utysqa qoıyldy. Utys oıynyn «ArselorMıttal Temirtaý» AQ Bas dırektory Vladımır Iаblonskııdiń ózi ótkizdi. Al 50-shi júlde «Haval» kóligi boldy. «ArselorMıttal Temirtaý» AQ jóndeý-mehanıkalyq zaýytynyń sheberi Saıa Jakın onyń baqytty ıegeri atandy. Ol alǵashqy sátte ózine osyndaı olja buıyrǵanyna tipti sengen de joq. Saıa Jamanbaıuly kombınatta 30 jyldan astam jumys isteıdi. Qurmetti demalysqa shyǵýyna az-aq ýaqyt qaldy. Mundaı júldeni jeńip alý ol úshin naǵyz qýanysh boldy.
- «ArselorMıttal Temirtaý» kompanııasyna osyndaı mereke úshin, osyndaı syılyq úshin alǵys aıtqym keledi. Maǵan barlyq dostarym, áriptesterim, týystarym qońyraý shalyp, quttyqtap jatyr. Keı bireýi meniń ózim sııaqty áli de senbeı jatyr. Biraq bul ras! Men ádilettilikke jáne óz kompanııamǵa senemin, - dedi Saıa Jakın.
Kesh boıy metallýrgterdi sahnadan Temirtaý shyǵarmashylyq ujymdary quttyqtady. Jınalǵandarǵa usynylǵan taǵy bir syılyq – Sadraddın, Mıras Jýginisov jáne aty ańyzǵa aınalǵan «Dos-Muqasan» tobynyń óner kórsetýi.
«Mereke ǵajap! Ásirese «Dos-Muqasan» toby bizdiń jastyq shaǵymyzdy eske túsrdi. Men metallýrgııa kombınatynda jumys istedim, qazir zeınetkermin. Barlyq metallýrgke myqty densaýlyq pen beıbit aspan tileımin», dedi qala turǵyny Lıdııa Faızýlına.
«Kóńil kúıimiz tamasha, atmosfera keremet! Mereke aıqyn seziledi. Bul adamdardy biriktiredi jáne kóńil-kúıdi kóteredi. Metallýrgterdi quttyqtap, olarǵa osy kúni ǵana emes, ómir boıy zor densaýlyq, baqyt jáne bar jaqsylyqty tileımin», dedi «ArselorMıttal Temirtaý» AQ LPS-3 termısti Ivan Vaskovskıı.
Temirtaýdyń keshki aspanyn nurlandyrǵan merekelik salıýt keshtiń jarqyn aıaqtalýy boldy.
