Qalalyq josparlaý jáne ýrbanıstıka basqarmasynyń basshysyna jer ýchaskelerin berý jáne obektilerdiń qurylysyn kelisý kezinde laýazymdyq ókilettikterin asyra paıdalandy degen aıyp taǵylyp otyr.
«Ol jeke turǵyn úı qurylysyna arnalǵan jer ýchaskelerinde, nysanaly maqsatyna qaramastan jáne qurylystyń tyǵyzdyǵyn eskermeı, jekelegen qurylys kompanııalarynyń múddesi úshin 2020-2023 jyldary 3 kóppáterli turǵyn úı kesheniniń qurylysyn zańsyz kelisken. Nátıjesinde memleketke 307 mln teńgeden astam somaǵa jer ýchaskeleriniń tólenbegen kadastrlyq quny túrinde zalal keltirildi», delingen resmı habarlamada.
Budan basqa, 2020 jyly medısınalyq ortalyq pen HQKO-nyń qurylysyn zańsyz kelise otyryp (ınvestısııalyq jobalardy iske asyrý túrimen), múddeli tulǵalardyń jeke menshigine jer ýchaskelerin tómen quny boıynsha odan ári negizsiz berýge yqpal etti. Shyǵyn 180 mln teńgeni qurady.
Sottyń sanksııasymen kúdikti qamaýǵa alyndy.
Sotqa deıingi tergep-tekserý amaldary jalǵasyp jatyr, basqa laýazymdy adamdardyń qatystyǵy da tekserilýde.
Qylmystyq-prosestik kodeksiniń 201-babyna sáıkes tergeý múddesi úshin ózge aqparat jarııa etýge jatpaıdy.
Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.
