Abaı oblysyna qarasty Jarma aýdanynda balabaqsha esepshisi 2,5 mln teńgeden astam qarajatty ózine zańsyz aýdarǵan.
Esepshi mekeme basshysynyń elektrondyq sıfrlyq qoltańbasyna qol jetkize otyryp, onyń kómegimen aqshalaı qarajatty esepteý jáne aýdarý boıynsha barlyq qarjylyq operasııalardy júzege asyryp otyrǵan.
Ol «Onlinebank HALYK» baǵdarlamasy arqyly jalǵan elektrondyq tólem shottaryn jasaǵan. Áıel óziniń laýazymyn asyra paıdalanyp, 3 jyl boıy osy ádispen óz esepshotyna aqsha aýdaryp júrgen.
Nátıjesinde qylmystyq áreketterdiń saldarynan esepshi balabaqshaǵa jalpy somasy 2,5 mln teńge kóleminde materıaldyq shyǵyn keltirdi.
Aıta ketsek, esepshi óziniń kinásin tolyq moıyndady jáne memleketke keltirgen materıaldyq zalaldy ótedi. Osylaısha sot zattaı dáleldemelerge súıene otyryp, sottalýshyny kináli dep tanyp, 2 jyl 6 aı bas bostandyǵynan aıyrý jáne ómir boıyna memlekettik qyzmette qyzmet etý quqyǵynan aıyrý túrinde úkim shyǵardy.
Áıeldiń 14 jasqa tolmaǵan 3 balasy bar bolǵandyqtan QR QK-niń 74-babynyń 1-bóligine sáıkes, bas bostandyǵynan aıyrý túrindegi taǵaıyndalǵan jazany oryndaý 5 jylǵa keıinge qaldyryldy.
