«Qazgıdromet» RMK usynǵan málimet boıynsha, atmosferalyq frontaldy ýchaskelerdiń ótýimen respýblıkanyń basym bóliginde kún raıy qubylmaly bolady, jańbyr jaýady.
«Kúndiz Aqmola oblysynda qatty jańbyr jaýady, naızaǵaı oınap, burshaq jaýady, daýyl turady dep boljandy. Tek batysta jáne ońtústik-batysta kún ashyq bolady», dep habarlady sınoptıkter.
El boıynsha jel kúsheıedi, Jetisý oblysynda 30 m/s jáne odan joǵary jel soǵady, túnde jáne tańerteń soltústikte jáne batysta tuman túsedi.
Astanada kóshpeli bult shyǵady, kúndiz jańbyr jaýady, naızaǵaı oınaıdy. Ońtústik-batystan jel soǵady, kúndiz ekpini 15-20 m/s bolady. Aýa temperatýrasy túnde +15+17°S, kúndiz +25+27°S.
Almatyda kóshpeli bult shyǵady, kúndiz ótkinshi jańbyr jaýady, naızaǵaı oınaıdy. Batystan soǵatyn jeldiń kúshi 3-8, naızaǵaı kezinde ekpini 15 m/s bolady. Aýa temperatýrasy túnde +20+22°S, kúndiz +30+32°S.
Shymkentte kóshpeli bult shyǵady, jaýyn-shashynsyz. Soltústikten jel soǵady, ekpini 8-13 m/s. Aýa temperatýrasy túnde +20+22°S, kúndiz +36+38°S.
