Mınıstrdiń aıtýynsha, «Qazaqstan Respýblıkasynyń ǵylym máseleleri jónindegi keıbir zańnamalyq aktilerine ózgertýler men tolyqtyrýlar engizý týraly» zań jobasynda kózdelgen norma aıasynda ǵylymı ataǵy bar ǵylymı qyzmetkerlerge ústemeaqy mólsherin arttyrý kózdelgen.
Bıyldan bastap ǵylymı ataq bolǵan jaǵdaıda kelesi mólsherde ústemeaqy belgileý kózdelip otyr:
- Ǵylym kandıdaty, fılosofııa doktory jáne beıini boıynsha doktor ǵylymı dárejesi bar qaýymdastyrylǵan professor úshin 25 eselengen AEK (buryn 17 AEK);
- Ǵylym doktory ǵylymı dárejesi bar qaýymdastyrylǵan professor úshin 42 eselengen AEK (buryn 34 AEK);
- Ǵylym kandıdaty, fılosofııa doktory, beıini boıynsha doktor, ǵylym doktory ǵylymı dárejesi bar professor úshin 50 eselengen AEK (buryn 17 AEK).
