Bıyl magıstratýraǵa túsýge arnalǵan keshendi testileýge 43 myńǵa jýyq ótinish qabyldandy. Eń kóp tańdalǵan bilim berý baǵyttary qatarynda «Pedagogıkalyq ǵylymdar», «Injenerlik, óńdeý jáne qurylys salalary», «Bıznes, basqarý jáne quqyq» bar.
«Barlyq qalaýshylar úshin tirkeý bir jarym aı júrgizildi. Tirkelý barysynda oqýǵa túsýshi testileý ornyn ózi tańdady. Emtıhan búgin bastalyp, 10 tamyzǵa deıin jalǵasady», dedi QR ǴJBM Ulttyq testileý ortalyǵynyń dırektory Rýslan Emelbaev.
Shetki baldar ózgerissiz qaldy: ǵylymı-pedagogıkalyq magıstratýraǵa túsý úshin 75 ball, beıindik magıstratýraǵa túsý úshin 50 ball jınaý qajet. Grant konkýrsyna qujattardy qabyldaý 11-14 tamyz aralyǵynda júzege asyrylady, al grant ıegerleriniń tizimi 26 tamyzǵa deıin jarııalanady. Bolashaq magıstranttardyń JJOKBU-na qabyldanýy 28 tamyzǵa deıin aıaqtalady.
Magıstratýraǵa túsý formatyna kelcek, bıyl eshqandaı ózgeris joq. Testileý nátıjesimen kelispegen jaǵdaıda onlaın-apellıasııa berýge bolady. Testilenýshi emtıhan aıaqtalǵannan keıin 30 mınýt ishinde apellıasııaǵa ótinish bere alady. Apellıasııa bes kúnde qarastyrylady. Odan soń sertıfıkat oqýǵa túsýshiniń jeke kabınetinde qoljetimdi bolady.
Eske sala ketsek, magıstratýrada oqý úshin 2023 jyly 13 myńnan astam grant bólingen. Kadrlardy daıarlaýǵa arnalǵan granttar suranysqa ıe baǵyttar boıynsha bólinedi.
