«Qaıtys bolǵan jasóspirimge oq tıgeni anyqtaldy. Oq atqan myltyq ustalǵandardyń biriniń ákesine tıesili. Qazirgi ýaqytta 9 kúdikti ÝUI-ǵa qamaldy, bul fakt QR QK 99-baby 9-tarmaǵynyń 2-bóligi 14-tarmaǵy boıynsha aýdandyq polısııada tirkeldi jáne sotqa deıingi tergeý bastaldy», dedi Almaty oblysy PD bastyǵy Baýyrjan Álenov.
Túngi saǵat 12-de jastar arasynda tóbeles bolyp, qatysýshylardyń birine oq tıip, qaıtys bolǵany anyqtaldy. Oblystyq PD bastyǵynyń aıtýynsha, qazirgi ýaqytta sot-medısınalyq saraptama taǵaıyndalyp, barlyq qajetti tergeý sharalary júrgizilýde.
«Basqa qatysýshylarǵa qatysty QR QK 293 - baby boıynsha qylmystyq is qozǵaldy», dep naqtylady Álenov.
Eske sala ketsek, 5 tamyzda Almaty oblysy Eńbekshiqazaq aýdany Báıdibek Bı aýylyndaǵy úılerdiń biriniń aýlasynda 17 jastaǵy jasóspirimniń máıiti tabyldy.
