Búginde óńirdiń ónerkásip salasynda 838 kásiporyn jumys isteıdi, al jumyspen qamtylǵandar sany 43 myń adamdy quraıdy. Bıylǵy 7 aıdyń qorytyndysyna sáıkes oblysta óndirilgen ónim kólemi 510 mlrd teńgege (+7,8%) jetti. Bul rette oblysta óńdeý ónerkásibi jaqsy damyǵan, onyń jalpy kólemindegi úlesi 72%-ǵa deıin jetedi. Atap aıtqanda, mıneraldy tyńaıtqyshtar óndirisinde 3,2 ese, qant óndirýde – 8,9%, irimshik pen súzbede – 5,9%, aıaq kıim óndirisinde – 20,2% ósim baıqalady. О́ńdeý ónerkásibindegi hımııa ónerkásibiniń úlesi búginde 49%-dan asady.
Osylaısha, «EvroHım» kompanııasy aýqymdy ınvestısııalyq jobanyń birinshi kezeńin júzege asyrdy: taý-ken kesheniniń bazasynda jylyna 660 myń tonnaǵa deıin fosforıtter óndirý jolǵa qoıyldy, qýattylyǵy jylyna 640 myń tonna ortasha usaqtaý jáne usaq untaqtaý qondyrǵysy salyndy. Investısııa kólemi $126 mln-dy qurady.
Ekinshi kezeń sheńberinde mıneraldy tyńaıtqyshtar shyǵaratyn hımııa kesheniniń qurylysy bastaldy. О́ndiristik qýattylyǵy jylyna keminde 1 mln tonnany quraıdy. Ekinshi kezeńdi júzege asyrý $1 mlrd-tan astam tikeleı sheteldik ınvestısııa tartýǵa jáne 1200 jańa jumys ornyn ashýǵa múmkindik beredi.
Premer-mınıstr Úkimettiń hımııa ónerkásibindegi jobalardy júzege asyrýǵa úlken kóńil bólip otyrǵanyn, sondyqtan jańa iri zaýyttyń óńirdiń ǵana emes, jalpy respýblıkanyń damýy úshin de mańyzy zor ekenin basa aıtty.
«Bul jobany iske qosý aýyl sharýashylyǵy salasynyń qajetti mıneraldy tyńaıtqyshtarǵa degen suranysyn tıisti deńgeıde qamtamasyz etedi jáne qosymsha jumys oryndaryn ashýǵa múmkindik beredi. Sondyqtan ishki jáne syrtqy naryqta suranysqa ıe ónimdi tezirek shyǵarý úshin zaýytty ýaqtyly iske qosýdyń mańyzy zor», dedi Álıhan Smaıylov.
Sondaı-aq ol qazirgi tańda memleket tyńaıtqyshtardy qoldaný aıasyn keńeıtý boıynsha sharýalarǵa beriletin sýbsıdııa kólemin arttyryp jatqanyn jetkizdi. Nátıjesinde bul aýyl sharýashylyǵyndaǵy ónimdilikti aıtarlyqtaı arttyrady.
Munda Úkimet basshysyna «EvroHım» jáne «Shý» avtomattandyrylǵan gaz taratý stansalary qurylysynyń barysy jaıly aqparat berildi. Bul Sarysý jáne Shý aýdandarynyń 32 eldi mekenin (61,7 myń adam), «EvroHım-Qarataý» JShS-nyń jańa hımııalyq keshenin jáne Moıynqum aýdanynyń 24 eldi mekenin (28,7 myń adam) gazben qamtýǵa múmkindik beredi.
Ári qaraı Álıhan Smaıylov Shý aýdanynda ornalasqan «Taraz hımııalyq parki» arnaıy ekonomıkalyq aımaǵynyń qyzmetimen tanysty. Sonymen qatar Premer-mınıstrge «TAS Market» JShS-nyń ónerkásiptik kremnıı, grafıt elektrodtary, polıkremnıı jáne kún batareıalary óndirisi jolǵa qoıylǵan kremnıı klasterin qurý jónindegi ınvestısııalyq jobasy tanystyryldy.
Sondaı-aq «Qazaq Soda» JShS júzege asyryp jatqan elimizdegi kalsıılendirilgen soda shyǵaratyn alǵashqy zaýyt qurylysynyń jobasy tanystyryldy. Kásiporyn 2025 jyly paıdalanýǵa beriledi, onyń óndiristik qýaty jylyna 500 myń tonna ónimdi qurıdy, aldaǵy ýaqytta 1,2 mln tonnaǵa deıin jetkizilmek. «Bıznestiń jol kartasy – 2025» memlekettik baǵdarlamasy aıasynda nysanǵa elektr jelileri tartyldy, sonymen qatar sý qubyryn tartý jáne temirjol ınfraqurylymyn jabdyqtaý josparlanyp otyr.
«Biz bul jobalardy qoldaımyz jáne jetispeıtin ınfraqurylymdy tartý boıynsha jumystardy jalǵastyratyn bolamyz. Muny bir jyl ishinde iske asyrýǵa bolady. Indýstrııa mınıstrligi men QTJ-ǵa tıisti tapsyrma beremin», dep túıindedi sózin Álıhan Smaıylov.
