Prezıdent jahandyq aýqymdaǵy tehnologııalyq ınnovasııalyq kásiporynnyń bir bóligi sanalatyn Goertek óndiris keshenin aralap kórdi.
Qasym-Jomart Toqaev keshendi aralap, ónim shyǵarý prosesimen, sondaı-aq kásiporynda qoldanylatyn tehnologııalarmen tanysty.
Kompanııa akýstıka, optıka, mıkroelektronıka, presızıondyq konstrýktıvti detaldar, ıntellektýaldy qural-jabdyqtar, vırtýaldy jáne tolyqtyrylǵan shynaıylyq tehnologııalary qoldanylatyn qurylǵylar, aqyldy garnıtýralar, aqyldy turmystyq tehnıkalar jáne basqa da joǵary tehnologııalyq qurylǵylar men ónimder sekildi elektrondyq jáne presızıondyq konstrýktorlyq komponentter ázirleýge jáne óndirýge mamandanǵan.
Qazirgi kezde Goertek kompanııalar tobynda 100 myńnan astam adam eńbek etedi. Kásiporynnyń jyldyq ortasha tabysy 2,8 mıllıard dollarǵa jetedi.
