Foto: aqmeshit-aptalygy.kz
Aýa raıy boljamyna sáıkes, respýblıkanyń barlyq aýmaǵynda derlik aýa temperatýrasy tómendeıdi dep kútilýde. Aldaǵy úsh táýlikte respýblıkanyń basym bóliginde turaqsyz aýa raıy saqtalady, naızaǵaı oınap, ekpindi jel soǵady, burshaq jaýýy múmkin.
Qazaqstannyń soltústik-batysynda, soltústiginde, ortalyǵynda, ońtústiginde jáne ońtústik-shyǵysynda qatty jańbyr jaýyp, aýa temperatýrasynyń birtindep tómendeýi kútiledi.
«Aýa temperatýrasy túnde 3-11 gradýsqa deıin, kúndiz 10-18 gradýsqa deıin tómendeıdi», dep habarlady sınoptıkter.
«Qazgıdromet» RMK atap ótkendeı, tek respýblıkanyń shyǵysynda, ońtústiginde jáne ońtústik-shyǵysynda aptanyń basynda kún jyly bolady, keıin aptanyń sońyna qaraı aýa temperatýrasy túnde 10-15 gradýsqa deıin tómendeıdi, al kúndiz 20-25 gradýs jyly bolady.
