Foto: polisia.kz
Abaı aýdandyq polısııa basqarmasyna «102» arnasy arqyly Ýmıda Abdýmýtalıpqyzy esimdi azamatsha aryzdandy. Qala turǵynynyń aıtýynsha, ol saýda ortalyǵynda júrgende qomaqty aqshasy, qujattary men bank kartalary salynǵan ámııanyn joǵaltyp alǵan. Bir saǵatqa jýyq ýaqyt boıy óz betinshe júrgizgen izdeý jumystary nátıjesiz bolǵan soń áıel polıseılerden kómek suraǵan.
Shaqyrtý boıynsha oqıǵa ornyna №1 ýchaskelik pýnktiniń ınspektorlary kelip, azamatshadan mán-jaıdy naqtylap, onyń júrgen joly boıynsha izdeý jumystaryn júrgizdi. Nátıjesinde jarty saǵatqa jeter-jetpes ýaqyt ishinde polısııa qyzmetkeri Nurbol Tólendibaev dúkenderdiń birindegi kreslonyń astynan ámııan taýyp alyp, ony barlyq zattarymen zańdy ıesine qaıtaryp berdi.
