Foto: ashyq derekkóz
«Bizdiń partııa Memleket basshysynyń qoǵamdyq tiregi retinde qaıta qurýlarǵa serpin beretin prezıdenttik reformalardy alǵa ilgeriletýshilerdiń biri bolyp tabylady. Máselen, bizdiń fraksııanyń birinshi taqyryptyq otyrysynda Úkimet qabyldaǵan «Halyqtyń tabysyn arttyrý baǵdarlamasy» qaraldy. Biz bul máselege mindetti túrde qaıta oralamyz, óıtkeni otandastarymyzdyń ál-aýqatyn arttyrý – Prezıdent reformalarynyń basty maqsaty. Fraksııa «Jaıly mektep» jobasyna erekshe kóńil aýdarady. Jalpy, kúrdeli syrtqy jaǵdaıǵa jáne elde qordalanǵan máselelerdiń shıelenisýine qaramastan, ekonomıkalyq qaıta qurýlar elimizge qıyndyqtardy eńserýge múmkindik beredi», dedi ol.
Osylaısha, «AMANAT» fraksııasy birinshi sessııa barysynda óz kúsh-jigerin Memleket basshysynyń Joldaýlary men baǵdarlamalyq qujattardy iske asyrýǵa baǵyttalǵan zańdar paketin qabyldaýǵa jumyldyrdy. Májilis jumysynda 82 zań jobasy boldy, onyń 25-i qabyldandy.
«Máselen, depýtattardyń bastamasymen suıytylǵan gaz aınalymyn retteý týraly zań qabyldandy. Ol gaz taratýdyń óndirýshi zaýyttan tutynýshynyń rezervýaryna deıingi ashyqtyǵyn qamtıdy. Dál osy máseleni sheshýge Memleket basshysy erekshe nazar aýdardy. Sondaı-aq depýtattar ınternet-platformalar men ınternet-jarnama týraly zańǵa bastamashy boldy. El Prezıdenti óz Joldaýynda bul salany quqyqtyq retteý qajettigin aıtty. Zań jobasynyń jan-jaqty qoǵamdyq talqylaýdan ótkeni mańyzdy. Azamattyq qoǵamnyń pikiri eskerildi», dep atap ótti Albert Raý.
