Sýretti túsirgen J.Jumabekov
Otyrysty ashqan Májilis tóraǵasy Memleket basshysy Qasym-Jomart Toqaevtyń Qazaqstan halqyna Joldaýynda depýtattardyń aldyna qoıylǵan mindetterdi jarııa etti. Onyń barlyǵy óńirlerdegi problemalarmen úndes ekenin atap ótti. Bul árbir otbasynyń amandyǵy, turaqty jumysy, laıyqty jalaqysy, amandyǵy men qaýipsizdigi, eldegi tynyshtyq, beıbitshilik pen kelisim.
«Qasym-Jomart Kemeluly búgin jurtshylyqty alańdatqan máselelerdiń bárine naqty jaýap berdi. Prezıdent azamattarǵa qamqorlyq jasaý, olardyń ál-aýqatyn arttyrý – memlekettiń basty nazarynda ekenin taǵy da aıqyn kórsetti. Máselen, keler jyly 1 qańtardan bastap eń tómengi jalaqy mólsheri 85 myń teńgege deıin kóteriledi. Bul shara 1,8 mıllıon adamdy qamtıdy», dedi Erlan Qoshanov.
Májilis tóraǵasy birinshi kezektegi mindetter qatarynda otandyq óndiristi damytý, ınfraqurylym máselelerin sheshý, halyqtyń qaryz júktemesin azaıtý, zııandy eńbek jaǵdaıynda jumys isteıtin adamdardy áleýmettik qoldaý, Salyq jáne Bıýdjet kodeksterin qabyldaý, sonymen qatar sıfrlandyrý, ǵylym men tehnologııany damytý ekenin aıtty. Sýǵa qatysty máselelerdi tolyq sheshý úshin Sý resýrstary jáne ırrıgasııa mınıstrligi qurylyp, kólik-logıstıkalyq sektordy damytý úshin Kólik mınıstrligi qaıta qurylady. Májilis spıkeri Prezıdenttiń atom elektr stansasyn salý boıynsha referendým ótkizý týraly bastamasyn strategııalyq sheshimderdiń biri dep atady. Bul másele qoǵamda qyzý talqylanyp jáne ol búkil el turǵyndarynyń pikirin eskere otyryp sheshiledi.
«Bizdiń mindetimiz – Memleket basshysy alǵa qoıǵan mindetterdi zańnamalyq deńgeıde sapaly ári jedel oryndaýdy qamtamasyz etý. Respýblıkalyq bıýdjetten bólingen árbir tıyn múltiksiz óz maqsatyna jumsalýǵa tıis. Depýtattar muny qatań qadaǵalaýy qajet. Zań shyǵarý prosesi azamattyq qoǵamdastyqtyń pikirin eskere otyryp, ashyq bolýy kerek», dedi Spıker.
Jalpy otyrysta Májilis depýtaty Ǵalymjan Eleýovtiń ókilettigi merziminen buryn toqtatyldy. Depýtattar eks-májilismendi shyǵaryp salyp, jańa qyzmetine sáttilik tiledi. Odan soń depýtattar birqatar jańa zań jobasyn jumysqa qabyldady. Sonyń ishinde 2024-2026 jyldarǵa arnalǵan respýblıkalyq bıýdjet jáne Qazaqstan Respýblıkasynyń Ulttyq qorynan kepildendirilgen transfert, qoǵamdyq birlestikter týraly, tutynýshylardyń quqyqtaryn qorǵaý týraly zań jobasy men ilespe túzetýler, ákimshilik ádilet salasyn jetildirý jáne keńeıtý máseleleri boıynsha ózgerister men tolyqtyrýlar jáne eki ratıfıkasııalyq zań jobasy bar.
