Alystan kelgen qonaqtardy qarsy alǵan «Qazaq gazetteri» JShS bas dırektorynyń orynbasary – Almaty qalasy basylymdarynyń jetekshisi Dýman Anash elimizdegi eń iri gazet-jýrnaldardy toptastyrǵan seriktestik quramynda 10-nan asa basylym, 3 ınternet-portal bar ekenin jetkizip, atalǵan aqparat quraldarynda Qazaqstan-Qytaı baılanystary da shyǵystanýshy ǵalymdardyń qatysýy arqyly jan-jaqty saraptalatynyn atap ótti.
«Qytaı – Qazaqstannyń eń jaqyn kórshisi ári mańyzdy seriktesteriniń biri. Eki eldiń basshylary ekijaqty áriptestikti damytý týraly birqatar nátıjeli kelisimge qol jetkizdi. El Prezıdenti Qasym-Jomart Toqaev bıyl osy elge sapary barysynda Qytaımen qarym-qatynasta Ortalyq Azııa elderiniń arasynda Qazaqstannyń úlesi joǵary ekenin aıtqan edi. Qazir eki el arasyndaǵy saýda aınalymyn 100 mlrd dollarǵa jetkizý kózdelip otyr. Áriptestegimiz osy baılanystardy mádenı qyrynan damytýǵa ári jan-jaqty nasıhattaýǵa súbeli úles qosady dep senemin», dedi D.Anash.
Sı Iаnchýn Qytaı men Qazaqstan elderiniń baspasóz quraldary arasynda baılanys ornatýdyń mańyzdylyǵyn atap ótip, ekijaqty áriptestikti tereńdetýge beıil ekenin jetkizdi jáne «Qazaq gazetteri» seriktestiginiń ókilderin Shandýnǵa arnaıy qonaq bolyp kelýge shaqyrdy. Onyń aıtýynsha, eldiń shyǵysynda ornalasqan Shandýnda Qytaı halqynyń 14 paıyzy turady (100 mln adam) turady, ekonomıkalyq damýy turǵysynan óte úlken áleýetke ıe.
Al «Dazhong Newspaper Group» bas redaktory Chjao Nıanmın kásiporyn men onyń enshiles basylymdary týraly áńgimeledi. Onyń aıtýynsha, kásiporyn 2000 jyldyń qyrkúıeginde qurylǵanymen, onyń eń basynda turǵan «Dazhong Daily» gazeti 1939 jyldyń 1 qańtarynan bastap shyǵyp kele jatqan Qytaıdaǵy eń iri basylymnyń biri sanalady. Qazir bul gazetter tobynda «Qilu Evening News», «Rural Dazhong», «Peninsula Urban Daily», «Economic Guide» sııaqty 10-nan asa basylym, «Dazhong Net», «Poster News» jáne «Qilu One Point» veb-saıttar men tutynýshylar porty bar. Gazettiń jalpy taralymy ár sanyna 3 mln-nan asady, al jańadan qosylyp jatqan medıatutynýshylardyń jalpy sany 460 mln-ǵa jeteǵabyl. Toptyń tabys kórsetkishteri de tańǵaldyrarlyq, ıaǵnı gazet, jańa medıa, BAQ-ty qarjylandyrý, mádenı parkter, qurylys ekonomıkasy, óner kórmeleri jáne t.b. baǵyttardaǵy negizgi salalardy quraıtyn «Internet Media Group» jáne Mádenı ındýstrııanyń ınvestısııalyq toby sekildi 54 kompanııanyń enýi arqyly bul kompanııa eldegi gazet ındýstrııasyndaǵy eń úzdik ulttyq topqa aınalyp otyr.
О́z kezeginde «Qazaq gazetteri» quramyndaǵy basylymdardyń bas redaktorlary sóz alyp, gazet-jýrnaldardy tanystyrdy. Onyń ishinde «Baldyrǵan», «Aq jelken» jýrnaldary men «Ulan», «Drýjnye rebıata» gazetteri sııaqty balalar basylymdaryna nazar aýdarǵan qytaılyq áriptester Shandýn aımaǵynda balalarǵa arnalǵan 20 basylym bar ekenin, Qytaı eliniń de balalar kontentine erekshe nazar aýdaratynyn, osy baǵytta shyǵarmashylyq baılanys ornatýǵa nıetti ekenin jetkizdi.
Júzdesý sońynda taraptar ekijaqty áriptestikti damytý týraly memorandýmǵa qol qoıyp, kádesyılar almasyp, estelik sýretke tústi.
