Foto: https://web.telegram.org/
Atap aıtqanda, dalada uıymdastyrylǵan arnaıy alańqaıda Ortalyq Azııa aımaǵyndaǵy brondy tehnıkalardy jóndeýge mamandanǵan jalǵyz «Semeı ınjınırıng» (Semeı) zaýyty brondy jóndeý-evakýasııalyq transporttaý mashınasyn paıdalana otyryp, urysta zaqymdanǵan tehnıkany qaıta qalpyna keltirý barysyn kórsetti.
«Navyco» kompanııasynyń ókili (Astana) brondy tehnıkany qalpyna keltirýge arnalǵan agregattardyń dala jaǵdaıynda qalaı aýystyrylatyny, al «KamAZ Injınırıng» (Kókshetaý) jáne «№405 avıajóndeý zaýyty» (Almaty) kásiporyndary áskerı tehnıkany qurastyrý, qalpyna keltirý múmkindikteri jóninde málimet berdi.
Kórmege Qazaqstan men Túrkııanyń «Qazaqstan Aselsan ınjınırıng» (Astana) birlesken kásiporny, «Vostok Polımer Snab» JShS (О́skemen), «Universal-Build» JShS (Almaty), «Energy General» JK (Almaty) jáne basqa da kásiporyndardyń ónimderi qoıyldy.
Budan bólek, Prezıdentke túrkııalyq «Otakar» kompanııasy shyǵaratyn ARMA brondy mashınasynyń sý kedergilerinen ótý múmkindikteri tanystyryldy.
Kórmeni aralap kórgen Memleket basshysy otandyq qorǵanys ónerkásibiniń áleýetin arttyrý mańyzdy ekenin atap ótti.
