Qurylysqa jaýapty ári meshit salýshy Mahat Tóreáli Bas múftıge jańa nysannyń jobasy jaıly baıandady. Keıin Dinı basqarma tóraǵasy arnaıy kapsýlany meshittiń irgetasyna qalady.
«Qosshy – qala mártebesin alǵaly munda halyq sany kóbeıdi. Bógenbaı batyr atyndaǵy meshit 2001 jyly salynǵan. Birneshe jyldan beri jergilikti jamaǵat jańa meshit salý týraly usynystaryn aıtyp keledi. Búgin kópten beri kókeıde júrgen, bir jaǵy jamaǵattyń suranysyn eskere kele meshit qurylysy bastaldy. Osy quthananyń qurylysyn qolǵa alǵan dinimizdiń janashyr azamattaryna, Alla úıiniń boıkóterýine tileýlestik bildirgen jamaǵatqa taǵy da Alla razy bolsyn degim keledi», dedi Bas múftı.
Qurylysy endi bastalǵan qulshylyq úıi keler jyly tamyzda qoldanysqa berilmek. Meshittiń jalpy syıymdylyǵy - 500 adam. Odan bólek janynan medrese boı kóteredi.
