https://senate.parlam.kz/
Kezdesýde M.Áshimbaev konferensııa aıasynda konstıtýsııalyq baqylaý máseleleri boıynsha syndarly pikir aıtyp, tájirıbelerimen bóliskeni úshin alǵys bildirdi. Sondaı-aq ol Qazaqstanda Memleket basshysynyń bastamasymen qurylǵan Konstıtýsııalyq Sottyń qoǵamdaǵy mańyzy joǵary ekenin jetkizdi.
«Konstıtýsııalyq Sot – azamattardyń quqyqtaryn qorǵaıtyn mańyzdy ınstıtýt qana emes, sonymen birge zańnamanyń el Konstıtýsııasyna sáıkestigi turǵysynan monıtorıng júrgizetin tetik. Osy baǵytta birlesken jumystyń áleýeti zor. Sondyqtan biz Konstıtýsııalyq Sot pen zań shyǵarýshy organ arasyndaǵy ózara is-qımyl týraly sheteldik tájirıbelerge úlken mán berip otyrmyz», dedi Palata Spıkeri.
Máýlen Áshimbaev Senattyń zań shyǵarý qyzmetine toqtalyp, Palatanyń jumysy negizinen Memleket basshysynyń halyqqa arnaǵan Joldaýynda kórsetilgen reformalardy sapaly iske asyrýǵa baǵyttalǵanyn aıtty.
Kezdesý barysynda taraptar túrli elderdiń konstıtýsııalyq sot tóreligi salasyndaǵy negizgi baǵyttar men basymdyqtardy da talqylady. Atap aıtqanda, sýdıalar demokratııanyń mańyzdy elementi retinde adam quqyqtaryn qamtamasyz etýdiń halyqaralyq tájirıbesine erekshe nazar aýdardy.
Is-sharaǵa Qazaqstan Respýblıkasy Konstıtýsııalyq Sotynyń Tóraǵasy Elvıra Ázimova, Senat basshylyǵy men depýtattary da qatysty.
