Syǵanaq tarıhı kesheniniń aınalasyna júzdegen jas tańnan jınaldy. Bastamadan Jańaqorǵan jáne Shıeli aýdandaryndaǵy mýzeı qyzmetkerleri, kóne qalashyq irgesinen oryn tepken Sýnaqata aýylynyń jastary da syrt qalǵan joq. Oblystyq mádenıet jáne sport basqarmasynyń bólim basshysy Janar Jaqypova bul qozǵalystyń kóne tarıh kómbesindeı Syr óńiri úshin mańyzy erekshe ekendigin atap ótti. Kıeli oryndarǵa qamqorlyq tanytqan jastar bastamasy alda da jalǵasyn tabatynyna senim bildirdi.
Jalpy, Jańaqorǵan aýdanynda repýblıkalyq mańyzy bar 6 tarıhı oryn bar. Solardyń basynda ár dáýir zertteýshiler VI-XVIII ǵasyrlar aralyǵynda gúl jaınaǵan qala bolǵan degen baılam jasaǵan osy Syǵanaq tur. Qaı kezeń derekterinde de tynysh ómirdiń, bereke men baılyqtyń besigi retinde sýrettelgen qala ornyna keıingi jyldary arheologııalyq zertteýler júrgizilip, qundy jádigerler tabylyp otyr. Osyǵan oraı tarıhı shahar basyndaǵy tirshilikti kórgisi keletin týrıster qatary artyp otyr. Jastar osy keshen aınalasyndaǵy shópterdi shaýyp, kúl-qoqysty tazalady.
Oblys jastary ekologııalyq sana men mádenıet deńgeıin arttyryp, qorshaǵan ortaǵa qamqorlyqpen qaraýǵa úndegen bastama aıasynda Qorqyt ata kesheni janyndaǵy Aqsaq qyz eskertkishine, Janqoja baba men Qaljan ahýn keseneleri aınalasynda tazalyq jumystaryn júrgizdi.
Qyzylorda oblysy
