Senimge negizdelgen áriptestik

Kezdesý barysynda eki­jaqty yntymaqtastyq máse­leleri, sondaı-aq, Mádenıet jáne aqparat mınıstrligi­niń salalyq baǵynysty uıym­dary men QHR Ulttar isteri jónindegi memlekettik ko­mıteti arasynda iskerlik baı­lanystar ornatý keleshegi talqylandy.

Aıda Balaeva qytaılyq árip­tesiniń Qazaqstanǵa alǵashqy jumys saparymen kelgenine qoshemet bildirip, Qytaıdyń aldaǵy basty merekesi – Qytaı Halyq Respýblıkasynyń qu­rylý kúnimen quttyqtady. Sondaı-aq eki memleket basshylary arasynda qoljetkizilgen ózara senim men strategııalyq áriptestiktiń joǵary deńgeıin atap ótti.

Mádenıet jáne aqparat mınıstri ekijaqty yn­tymaqtas­tyqty nyǵaıtýdyń ma­ńyzdy­ly­ǵyn atap ótip, áriptestiktiń negizgi baǵyttary boıynsha birqatar usynys aıtty.

Pan Iýe myrza áriptesine shaqyrtý úshin alǵys bil­dirip, qazaq-qytaı qarym-qatynas­tarynyń deń­geıin joǵa­ry baǵalady jáne bul sapar yn­ty­maqtastyqty odan ári nyǵaı­tý­ǵa jańa serpin bere­tinine senim bildirdi.

Sonymen qatar Pan Iýe myrza mınıstr Aıda Balaeva­nyń jańa laýazymyna tabys tilep, ony ózara áriptestik aıasynda QHR-ǵa jumys saparmen kelýge shaqyrdy.

Taraptar etnosaralyq qaty­nastardy retteý salasyn­daǵy yntymaqtastyqty arttyrý perspektıvalaryn talqylaı otyryp, ekijaqty baılanys­tardy damytýǵa nazar aýdardy, sondaı-aq Mádenıet jáne aqparat mınıstrligi men QHR Ulttar isteri jónindegi mem­lekettik komıteti arasyn­daǵy ózara túsinistik pen yn­ty­maqtastyq týraly memo­randýmǵa qol qoıdy.