Onyń aıtýynsha, buǵan deıin AQSh pen Ortalyq Azııa arasyndaǵy dıalog pen yntymaqtastyq osy format aıasynda syrtqy saıası vedomstvolar basshylary deńgeıinde júzege asyrylatyn. 2015 jyly S5+1 dıalog alańy qurylyp, Vashıngtonnyń bastamasymen memleket basshylary deńgeıinde otyrys ótti. Búginde S5+1 formatynyń róli artyp keledi.
«Bul format keńeıip, jańa deńgeıge kóterildi, onyń ishinde parlamenttik deńgeıge jetkenin de nyq senimmen aıta alamyn. Ortalyq Azııa men Ońtústik Koreıa parlamentteriniń spıkerleri ótkizgen sammıt te osyndaı formatta ótti», dep jazdy ol Telegram paraqshasynda.
Májilis depýtatynyń paıymynsha, dál qazir Ortalyq Azııa elderi qandaı da bir másele boıynsha ortaq shara qabyldap, bir-birinen ajyraǵysyz tyǵyz baılanys ustap keledi. О́ńirlik qaýipsizdik pen jahandyq turaqtylyq máseleleri, sondaı-aq Ortalyq Azııada ıadrolyq qarýdan azat aımaq qurý máselesi burynǵydan da ózekti. Qazaqstan árqashan ıadrolyq qarýsyzdaný jónindegi jahandyq kúsh-jigerdiń aldyńǵy qatarynda boldy.
«О́tken jyly Qazaqstanǵa tikeleı amerıkalyq ınvestısııalardyń jalpy aǵyny birden 82%-ǵa ósip, 5,1 mlrd dollardy qurady. Qazaqstanda 500-den astam amerıkalyq kompanııa jumys isteıdi, sonyń ishinde Chevron, ExxonMobile, General Electric, Citi syndy kompanııalar bar», degen depýtat ekonomıkalyq yntymaqtastyq turǵysynda Qazaqstan álemniń 180 elimen saýda jasap, ınvestorlardyń jahandyq qoǵamdastyǵy úshin senimdi seriktes bolyp qalýǵa nıetti ekenin atap ótti.
AQSh-pen tyǵyz yntymaqtastyqtyń taǵy bir aspektisi - Qazaqstan tarapy Ádiletti energetıkalyq júıege kóshý baǵdarlamasyn (Just Energy Transition Partnership) iske qosýdy usyndy.
«Búgingi tańda RF, QHR, EO, Italııa, GFR, Úndistan, Ońtústik Koreıa jáne Japonııamen osy formatta dıalogtar qurylǵanyn atap ótken jón», dep pikirin túıindedi Májilis depýtaty Aıdos Sarym.
