maulen_ashimbayev
Joǵarǵy palata jetekshisi ult rýhanııatynyń abyz aqsaqalyna amandyq pen baq-bereke tilep, mereıtoı aıasynda uıymdastyrylǵan «Tolǵaýy 90 Tarazı» atty is-sharada Prezıdent Qasym-Jomart Toqaevtyń quttyqtaý hatyn oqyp berdi.
«Qazaqta ádebıetsúıer qaýymnyń júrek tórinen erkin oryn alyp, qalyń oqyrmannyń yqylasyna bólengen qalamgerler az emes. Solardyń biri de biregeıi bıyl torqaly toqsan jasqa tolyp otyrǵan kórnekti jazýshy, Qazaqstannyń Eńbek Eri Ákim Tarazı ekeni anyq.
Memleket basshysy atap ótkendeı, Ákim Tarazı qoǵamǵa synı kózqaraspen qarap, zamandastarynyń keskin-kelbetin shynaıy sýrettep, barsha adamzatty tolǵandyrǵan máselelerge jurt nazaryn aýdara bilgen jazýshy.
Shyn máninde, Ákim aǵanyń ár týyndysy – ádebıetimizdiń altyn qoryna qosylǵan qymbat qazyna. Bul rette «Jaza», «Sher», «Qııanat», «Tasjarǵan» sııaqty romandardy erekshe atap ótken jón. Mustafa Shoqaıdyń ómir jolyna arnalǵan irgeli týyndy da birtýar tulǵanyń ult tarıhyndaǵy ornyn jańa qyrynan tanýǵa jol ashty. Sondaı-aq Ákim Tarazıdiń biregeı pesalary qazaq teatryn jańa beleske shyǵarýǵa úlken úles qosqanyn aıta ketken abzal.
Jazýshynyń qaı shyǵarmasyn alyp qarasaq ta ulttyq rýhqa taban tireıtinin ańǵaramyz. Eldik múddeni kózdeıtin mundaı týyndylar eshqashan eskirmeıdi jáne qaı kezeńde de oqyrmanyn joǵaltpaıdy», dep jazǵan M.Áshimbaev qazaq ádebıetiniń qara naryna zor densaýlyq tilep, halyqtyń yqylasyna kenele berýine tileýlestigin bildirdi.
