Basty maqsat – jumysshy quqyǵyn qorǵaý

Esterińizge sala keteıik, bıyl 29 shildede Ázerbaıjannyń Shýsha qalasynda Qazaqstan, Ázerbaıjan, Túrkııa, О́zbekstannyń ulttyq kásipodaqtar ortalyqtary Túrki memleket­teriniń kásipodaqtar uıymyn qurý týraly kelisimge qol qoıǵan edi.

Eki aıdan keıin Samarqandta ulttyq kásipodaq ortalyqtarynyń jetekshileri jańa ıntegrasııalyq birlestiktiń negizgi ınstıtýttaryn bekitý, onyń basshylyǵyn saılaý jáne uıymǵa jańa músheni qabyldaý maqsatynda jınaldy. Berilgen ótinishke sáıkes jańa halyqaralyq kásipodaqtar birlestiginiń besinshi múshesi – Qyrǵyzstan Kásipodaqtar federasııasy boldy.

Quryltaı otyrysyna qatysqan Qazaq­stan, Ázerbaıjan, Túrkııa, О́zbek­stan, Qyr­ǵyzstan kásipodaqtary fede­rasııalarynyń basshylary Túrki mem­le­ketteriniń kásipodaq­tar uıymynyń Jarǵy­syn maquldap, uıym keń­e­sin bekitti jáne basshy­lardy saılady. Uıym prezıdenti bolyp Qýd­r­atılla Rafıkov (О́z­bekstan), vıse-pre­zı­dent bolyp Sattar Meh­balıev (Ázer­baıjan), Túrki memleketteri kásip­odaq­tar uıymynyń bas hatshysy bolyp QRKF tóraǵasy Satybaldy Dáýletalın, uıym­­nyń tekserý komıssııasynyń tóraǵasy bo­­lyp Omor Arstanbekov (Qyrǵyzstan) saılandy.

Satybaldy Dáýletalın óziniń quttyqtaý sózinde Túrki halyqtary tamyrlarynyń ortaq­tyǵyn, alty túrkitildes memlekettiń jal­­py aýdany 4,73 mln sharshy km jáne jalpy halqy shamamen 170 mln adamdy quraıty­nyn atap ótti. Onyń aıtýynsha, túrki elderiniń álemdegi ókildigi men daýys berý quqyǵy joǵary.

«О́tken jyly Túrkitildes memleketterdiń yntymaqtastyq keńesiniń ornyna jańadan qurylǵan Túrki memleketteri uıymynyń birinshi sammıti ótti. «Túrki álemi-2040» tujyrymdamasynda osy keńistiktegi elder arasynda Erkin saýda aımaǵyn qurýdy, kapı­tal­dyń, taýarlardyń, servıstiń, qyz­metter­diń jáne adamdardyń erkin qozǵal­ysy bola­tyn Eýropalyq odaqtyń ózindik úlgisin kórse­te­tin strategııalyq uzaqmerzimdi maqsat­tar belgilendi. Osy turǵyda Túrki elderiniń kásipodaqtar uıymyn qurý erekshe mańyzǵa ıe. Biz kásipodaqtardy jańǵyrtý jáne damytý, jumysshylardyń quqyqtaryn qorǵaý jáne ádilettilik qaǵıdattaryn, Eńbek adamynyń ıgiligi úshin Jańa áleý­mettik kelisimsharttyń erejelerin ilgeri­letý jónindegi kúsh-jigerimizdi biriktirýi­miz qajet. Jańa qurylymnyń basty maq­saty – memleketterimizdiń 48 mıllıon ju­mys­shysynyń áleýmettik – eńbek, kásip­tik, ekonomıkalyq quqyqtary men múdde­lerin qorǵaý jónindegi is-qımyldardy shoǵyr­landyrý», dedi S.Dáýletalın. Onyń aıtýynsha, Túrki elderi kásipodaqtarynyń kópjaqty yntymaqtastyǵy týraly birtutas kózqaras qalyptastyrý, birlikti nyǵaıtý óte mańyzdy.

Otyrysqa qatysýshylar osy jyldyń 29 qarashasynda Ankarada ornalasqan shtab-páterde Túrki memleketteri kásipodaqtar uıymynyń birinshi sezin ótkizý týraly sheshim qabyldady.