Foto: ashyq derekkóz
Mınıstrdiń aıtýynsha, qazir Qazaqstanda qant baǵasy tómendep jatyr
«Qant baǵasy 11%-ǵa tómendedi. Jaqynda qant baǵasy ósedi degen boljam joq. Qant tapshylyǵy bolmaıdy. О́tken jyly sondaı jaǵdaı týyndap, jaǵymsyz tájirıbe boldy. Bıyl bul qaıtalanbaıdy», dedi Arman Shaqqalıev.
Osy tusta mınıstr elde qant zaýyttaryn nesıelendirý jáne qarjy bólý arqyly qoldaý baǵdarlamasy qabyldanǵanyn qosa aıtty.
«Qazirgi ýaqytta tórt zaýyt 70 myń tonnaǵa jýyq qant óndirdi. Biz Reseı Federasııasynan qant ákelinetinin kórip otyrmyz, sondyqtan jalpy naryqtaǵy jaǵdaı qalypty, tapshylyq joq», dep sendirdi Arman Shaqqalıev.
Eske sala ketsek, 2022 jyly elimizde qant baǵasy 86,6%-ǵa ósip, rekordtyq deńgeıge kóterilgen edi.
