Shetten kelgen dárigerler bir apta boıy naýqastardy ońaltý sharasymen aınalysty. Nátıjesinde, koreılik dárigerler Jezqazǵan, Sátbaev qalalarynan 450-den asa naýqasty, sonyń ishinde 125 syrqat balany emdedi. Sal jáne psıhologııalyq kesh damý dertine ushyraǵan balalardyń emdelýine qatysty aqyl-keńesterin bergen dárigerler mundaı syrqattardy odan ári ońaltý joldaryn usyndy.
Oblys halqynyń densaýlyǵyn saqtaý, nyǵaıtý baǵytyndaǵy álemdik ozyq tájirıbelerdi paıdalanýdyń bereri mol. Mundaı ıigilikti is-shara Halyqaralyq ınnovasııalyq ónerkásiptik konsorsıým (R&IID XIО́K), «Qazaqmys korporasııasy» JShS jáne «Severance-KZ Halyqaralyq medısınalyq qory» QQ uıymdastyrǵan eriktiler baǵdarlamasy aıasynda múmkin boldy.
– Biz ekijaqty tıimdi baılanys ornatý arqyly halyq densaýlyǵyn nyǵaıtýǵa bilim-biligimizdi birlese jumsaýǵa qýanyshtymyz, – deıdi Halyqaralyq ınnovasııalyq ónerkásiptik konsorsıýmnyń basqarýshysy Alekseı An.
Jezqazǵan
