Foto: kamshybek_kunkabayev
«Qytaıdaǵy jazǵy Azııa oıyndary da óz mársesine jetti. Taqym qysyp jankúıer bolǵan barsha qaýymǵa alǵys aıtamyn. Buıyrtsa, Parıj-2024 Olımpıadasynan qazaq eline altyn alyp kelýdi násip etsin», dep jazdy boksshy.
Qamshybek Hanchjoýdaǵy jazǵy Azııa oıyndarynyń fınalyna shyqqan jalǵyz sańlaq edi. Álemniń eki dúrkin chempıony, Tokıo Olımpıadasynyń jeńimpazy ózbek Bahodır Jalolovqa qarsy ótkizgen jekpe-jekten keıin Qamshybek pikir bildirdi.
«Rıngte men júrdim, tóreshi qolymdy kótermegendikten jeńdim demeımin. Kelesi jyly Parıjde ótetin Olımpıada oıyndarynda budan da qarqynmen judyryqtasyp, elime altyn medal tartý etkim keledi», dedi ol.
Asa aýyr salmaqta Sıdneı Olımpıadasynyń kúmis júldesin alǵan Muhtarhan Dildábekov boksta boıy uzyndardyń qımyly sylbyr keletinin, Qamshybek jyldamdyǵyn údetse, Jalolovty sabasyna túsirýge bolatynyn aıtty.
