Foto: Primeminister.kz
Syılyq qazylar alqasy músheleriniń onlaın-daýys berýiniń qorytyndysy boıynsha aqparattyq-kommýnıkasııalyq tehnologııalardy damytýdaǵy jetistikteri úshin Ortalyq Eýrazııa elderiniń úzdik IT-kompanııalaryna beriledi.
Nomınasııalar boıynsha Digital Bridge Awards 2023 júldegerleri:
- Export Excellence (IT-qyzmetterdi eksporttaýǵa baǵyttalǵan damý strategııalaryn tabysty túrde iske asyrý) – Alekseı Aksenov, baǵdarlamalyq qamtamasyz etýdi jáne kúrdeli sıfrlyq platformalardy ázirleıtin EPAM Kazakhstan kompanııasynyń dırektory;
- Tech for Good (ekologııalyq, áleýmettik jáne ekonomıkalyq máselelerdi sheshýge arnalǵan tehnologııalar) – Ásem Tájıeva, kishkentaı balalar, onyń ishinde erekshe qajettilikteri bar balalardyń ata-analary úshin paıdaly aqparat beretin mobıldi qosymsha Ozim Platform áleýmettik startabynyń negizin qalaýshy;
- Tech Educational Leader (oqytýda ınnovasııalyq, batyl jáne shyǵarmashylyq bastamalardy qoldanatyn baǵdarlamalaý mektepteri) – Danabek Qalıajarov, Alem School jetekshisi;
- Tech Media of the Year (tehnologııalyq jýrnalıstıka salasyndaǵy jetistikter) – Tagaı Tazabekov, Qyrǵyzstandaǵy jastarǵa arnalǵan Limon.KG birinshi ınternet-basylymynyń dırektory;
- Employer of Choice (qyzmetkerlerdi kásibı jáne tulǵa retinde damytýǵa yntalandyratyn jumys ortasyn usynýshy kompanııalar) – Dmıtrıı Botanov, qyzmetter, jyljymaıtyn múlik jáne avtokólik satý salasyndaǵy Kolesa Group IT-kompanııanyń bas dırektory;
- VC of the Year (ınnovasııalyq ekojúıeniń damýyna eleýli úles qosqan venchýrlik ınvestorlar) – Ádil Nurǵojın, Big Sky Sapital venchýrlyq qorynyń basqarýshy seriktesi;
- AI Startup of the Year (jasandy ıntellekt salasyndaǵy jetistikteri úshin) – Azızdjon Azımı, Tájikstan jastaryna qarjy jáne telekommýnıkasııalyq kompanııalarǵa jumysqa ornalasý úshin IT jáne JI boıynsha mamandandyrylǵan kýrstardan ótýge múmkindik beretin Zypl.ai ortalyǵynyń negizin qalaýshy.
Premer-mınıstr Álıhan Smaıylov jeńimpazdardy marapattap, olardyń aldaǵy jumystaryna tabys tiledi.
