«Freelance Mumkindik» qysqa merzimdi oqytý baǵdarlamasy Astana ákimdiginiń qoldaýymen JOLTAP jobasy aıasynda ázirlendi.
«Freelance Mumkindik-tiń» basty maqsaty – elorda turǵyndaryna tabysyn arttyrý múmkindikterin tańdaýǵa, sondaı-aq kásibı biliktilikti arttyrýǵa kómektesý», dep túsindirdi «Jańa Múmkindik» qorynyń taldaý bóliminiń jobalyq menedjeri Erasyl Dildaıym.
Birinshi aǵymda 177 adam oqýǵa kiristi. Tańdaý úshin olarǵa jeti sıfrlyq mamandyq usynyldy: targetolog, SMM, vıdeograf, marketpleıs mamany, mobılograf, grafıkalyq dızaıner jáne veb-dızaıner (saıttardy ázirleý).
«Men mobılografııa kýrsynda oqımyn. Oqytý tegin ári sabaqtar jaıly kabınetterde jáne stýdııalarda ótedi, onda biz fotosessııalarǵa qatysamyz jáne bilimimizdi tájirıbe júzinde qoldanamyz. Birinshi sabaqtan bastap eki apta ótti, osy ýaqyt ishinde bizge vıdeolardy montajdaý jáne ártúrli effektilerdi qoldaný úıretildi. Bul oqýdy óte jaqsy kóremin. О́zim rıeltormyn, áleýmettik jelilerde óz qyzmetterimdi tanystyrý úshin mobılografııa qajet. Biraq meniń oıymsha, bul kýrs óte paıdaly bolady. Keıbir áıelder tipti balalarmen sabaqqa keledi, sol sııaqty jaqynda zeınetke shyqqandar da aramyzda bar», dedi oqýshylardyń biri Natalıa Gýbar.
Kýrstar aıaqtalǵannan keıin qatysýshylar sertıfıkattar alady, al olardyń túıindemeleri «JUMYS TAP» Telegram-botynda tegin júrgiziletin bolady.
Joba úsh jylǵa josparlanǵan. Uıymdastyrýshylardyń aıtýynsha, osy jyldyń qarasha aıynda jumysshy mamandyqtary boıynsha tegin oqytý bastalady.
Elorda turǵyndaryna yńǵaıly bolý úshin «Barshaǵa Múmkindik» modýldik pýnkteri qalanyń túrli oryndarynda ornalasqan jáne kún saıyn, demalyssyz myna mekenjaılar boıynsha jumys isteıdi:
- «Jastar» saraıy, Respýblıka dańǵyly, 34;
- «Tulpar» SO, Sh.Ýálıhanov kóshesi, 24;
- «Euromall» SÚ, Qosshyǵululy kóshesi, 24;
- «Ailand» SOO, Qorǵaljyn tas joly, 2;
- «Vstrecha» SÚ, Abylaı han dańǵyly, 31;
- «Mechta» SÚ, Syǵanaq kóshesi, 3;
- «Azııa park» SOO, Qabanbaı batyr dańǵyly, 21;
- «Magnum» sýpermarketi, Edil kóshesi, 26;
- «Saıanur» bazary, Tilendıev dańǵyly, 24/5;
- «Big Shanhaı» SÚ, Alash tasjoly, 32a.
