Atalǵan óńirlerde ákimderdi tikeleı saılaý alǵash ret ótpek. OSK músheleriniń óńirlerge barýynyń maqsaty – saılaý komıssııalarynyń múshelerin oqytý, ádistemelik jáne praktıkalyq kómek kórsetý.
Qostanaı oblysyna barǵan OSK tóraǵasynyń orynbasary Konstantın Petrov Qarabalyq, Fedorov, Altynsarın, Denısov aýdandary men Rýdnyı qalasy saılaý organdarynyń saılaýǵa daıyndyq barysymen tanysty. Inspeksııalyq issapar barysynda ol ýchaskelik komıssııa múshelerine arnalǵan aýdandyq saılaý komıssııalarynyń oqytý semınarlarynyń jumysyna qatysty. Sondaı-aq óńirdiń oblystyq, qalalyq jáne aýdandyq aýmaqtyq saılaý komıssııalarynyń múshelerimen kezdesýler ótkizip, saılaýǵa daıyndyqty uıymdastyrý, úgit naýqanynyń barysy, saılaý komıssııalarynyń saılaý úrdisine qatysy bar basqa da qatysýshylarmen ózara is-qımyl tártibi máselelerdi talqylady.
Ortalyq saılaý komıssııasynyń múshesi Sábıla Mustafına Ulytaý oblysyna baryp, qazirgi saılaý naýqany sheńberinde ótetin oblystyq, Ulytaý aýdandyq aýmaqtyq saılaý komıssııalarynyń jumys barysymen tanysty. Aýdan ákimderiniń saılaýyn ótkizýge daıyndyq máseleleri boıynsha Ulytaý aýdanynyń saılaý komıssııalarynyń 165 múshesin kaskadtyq ádis boıynsha oqytý is-sharasyna qatysty.
Sondaı-aq OSK múshesi Asylbek Smaǵulov Abaı oblysynyń Abaı aýdanynda jáne Kýrchatov qalasynda ınspeksııalyq saparmen boldy. 5 qarashada ákimi saılanatyn Abaı aýdanyndaǵy Qarabulaq, Orda, Qaraýyl, Arhat aýyldarynyń ýchaskelik saılaý komıssııalaryna baryp, aldaǵy saılaýǵa daıyndyq barysyn tekserdi, sondaı-aq saılaý komıssııalary múshelerine arnalǵan oqytý semınaryna qatysty.
OSK músheleri ótkiziletin oqytý is-sharalary sheńberinde dástúrli túrde daýys berý kúnine deıin jáne saılaý kúni tikeleı ýchaskelik saılaý komıssııasynyń jumysy boıynsha tájirıbelik keısterdi pysyqtaýǵa, saılaý qujattarynyń nysandaryn toltyrý tártibine, ýchaskelik komıssııalar músheleriniń saılaý úrdisiniń basqa qatysýshylarymen ózara is-qımylyna basa nazar aýdardy. Ýchaskelik saılaý komıssııalarynyń múshelerine «Qazaqstan Respýblıkasyndaǵy saılaý týraly» Konstıtýsııalyq zańynyń negizgi talaptary, saılaýdy taǵaıyndaýdan bastap daýys berý kúnine deıingi saılaý naýqanyn ótkizý kezeńderi túsindirildi. Barlyq qoıylǵan suraqqa saılaý zańnamasynyń normalary boıynsha tolyq jaýap berildi.
Aıta keteıik, OSK músheleri buǵan deıin 9 óńirge – Soltústik Qazaqstan, Aqmola, Almaty, Atyraý, Shyǵys Qazaqstan, Jetisý, Qaraǵandy, Qyzylorda, Pavlodar oblystaryna barǵan bolatyn.
