Foto: Ashyq derekkóz
Jyl saıyn ótetin jyljymaıtyn múlik jármeńkesine negizinen «Otbasy bankiniń» salymshylary shaqyrylady, biraq munda baspana satyp alǵysy keletin kez kelgen adam da kele alady. Bul –qurylys kompanııalary men turǵyndardy baılanystyratyn yńǵaıly alań. О́ıtkeni bul jerde turǵyn úı keshenderimen birden tanysa alasyz, kókeıde júrgen suraqtaryńyzǵa jaýap ala alasyz. Buǵan qosa nesıe boıynsha aldyn ala tólem qabilettiligin eseptep, turǵyn úıge tapsyrys berýge múmkindik bar.
Taǵy bir mańyzdysy – kórmege elge belgili qurylysshylar qatysty. Olardyń arasynda «Vostok-Stroı» kompanııasy, Emcompany, D.O.M.A, «Bırıýza» syndy qurylys nysandary bar.
«Bizdiń basty mıssııamyz – adamdarǵa turǵyn úı satyp alýǵa jáne qarajat jınaqtaý mádenıetin damytýǵa kómektesý, arzan nesıe alý joldaryn túsindirý jáne ol úshin qandaı qadamdar jasaý kerek ekenin nusqaý. Salymshylar úshin mundaı jármeńkelerdiń paıdasy kóp, óıtkeni barlyq aqparatty bir jerden alýǵa bolady», dedi «Otbasy bank» AQ Shyǵys Qazaqstan fılıalynyń dırektory Nazygúl Aqqulova.
О́skemende 28-55 jas arasyndaǵy azamattar turǵyn úıdi jıi satyp alady. Sonyń biri - «Otbasy banki» baǵdarlamasy arqyly baspanaly bolǵan qala turǵyny Ashat Quzarqanov. Jas jigit myna kórmeden soń taǵy da páter almaqqa nıetti ekenin aıtty. Taǵy bir bank salymshysy, óskemendik - Meıram Salıhova. Kórmede ol jańa salynǵan turǵyn úı keshenin tańdady. Buǵan deıin ol joldasymen birge eki aı boıy baspana izdep kelgen.
«Búgin biz unaǵan páterimizdi tańdadyq. Qurylys kompanııasy ókilderimen, bank menedjerimen sóılestik, satyp alatyn boldyq», deıdi Meıram Salıhova.
Bıyl Otbas bank 1 603 shyǵysqazaqstandyq turǵynnyń qonys toıyn toılaýyna oraı týǵyzdy. Jyl basynan beri Otbasy bankke ShQO-nyń 4 045 turǵyny salymshy retinde tirkelip, esepshot ashqan.
