KEGOC: Elektrmonterler sheberlikterin shyńdady

Bul is-shara úshin «KEGOC» AQ-ǵa qarasty «Almaty JET» fılıalynyń 500 kV «Alma­ty» qosalqy stansasynyń janyn­daǵy oqý-jattyǵý polıgony tańdap alyndy. Bıiktigi 42 metr­ge deıin jetetin baǵandarǵa tar­tylǵan áýe elektr jetkizý jeli­lerine qyzmet kórsetý bo­ıynsha sheberlikterin shyńdaýǵa kom­panııanyń óńirlerdegi fı­lıal­darynyń elektrmonterlernen jasaqtalǵan 9 brıgada qatysty.

«Bıylǵy baıqaýdyń eki erek­sheligin atap ótkim keledi. Birin­­­shiden, básekeles 9 koman­da­­nyń báriniń daıyndyǵy óte joǵary deńgeıde boldy. Ekin­shiden, baıqaýdyń jalpy júlde qory 11 100 000 teńgeni qurady, ıaǵnı bul burynǵy baıqaýlarǵa qara­ǵanda 4 ese kóp. Shyn mánin­de elektrmonterlerdiń ju­mysy kózsiz batyrlyq pen as­qan júrektilikti talap etedi. Ha­lyq­ty senimdi elektr energııasymen qamtamasyz etýde mańyzdy ról atqaratyn energetık mamandarymyz budan da joǵary marapattarǵa laıyq dep esepteımin. Sebebi 42 metrlik bıiktikte tilsiz jaýmen arpalysatyn elektrmonterlerdi búgingi beıbit zamannyń batyrlary dep aıtar edim», deıdi «KEGOC» AQ basqarma tóraǵasynyń orynbasary Baqythan Jazyqbaev.

Jarys barysynda komandalar alty kezeńnen turatyn synaqtan ótti. Atap aıtqanda, normatıvtik-tehnıkalyq qu­jat­tamany bilý deńgeıi jáne teorııalyq daıyndyq, zardap shekken adamdy (manekendi) elektr toǵynyń qursaýynan bosatý, ony 220 kV áýe jelisiniń tireginen túsirý jáne dárigerge deıingi medısınalyq kómek kórsetý, túrli aqaýy bar shyny oqshaýlaǵyshtardy aýystyrý kezindegi sheberlik, tirek aralyqtaryndaǵy kergilerdiń qashyqtyqtan basqarylatyn aqaýy barlaryn aýystyrý jáne arnaıy quraldardy qoldana otyryp, 220 kV áýe jelisiniń ankerlik metall tireginiń sym shleıfin jalǵaý daǵdylary.

«Mundaı kásibı baıqaý sońǵy ret 2019 jyly ótkizilgen bolatyn. Sodan bergi tórt jylda elektrmonterlerdiń kásibı deńgeıleri edáýir artqany baıqalady. О́ıtkeni komandalar arasyndaǵy upaı sandarynda aıtarlyqtaı aıyrmashylyq bolǵan joq. Iаǵnı olar upaı jınaýdan ıyq tirestirip otyrdy. Bul elektrmonterlerdiń joǵary biliktilik deńgeıi men úlken daıyndyǵyn kórsetedi», deıdi baıqaýdyń uıymdastyrý jumystaryna bastan-aıaq qatys­qan «Almaty JET» fılıa­ly elektr jetkizý qyzmetiniń bastyǵy Bekjan Raýaıanov.

Tórt kúnge sozylǵan kásibı jarystyń qorytyndysynda  júldeli I oryndy «Aqmola JET» fılıalynyń komandasy jeńip aldy. II oryndy «Soltústik JET» fılıalynyń elektrmonterleri ıemdendi. III oryndy «Shyǵys JET» jáne «Ońtústik JET» fılıal­da­rynyń komandalary ózara bólisti. Sondaı-aq jekelegen atalymdar boıynsha «Aqtóbe JET» fılıalynyń qyzmetkeri Nurjan Qýatov – «Úzdik sheber», «Batys JET» fılıalynyń qyzmetkeri Aıanbek Qabıev – «Úzdik elektrmonter», «Sarybaı JET» fılıalynyń qyzmetkeri Murat Barmaqov – «Eńbek maıtalmany», «Orta­lyq JET» fılıalynyń qyzmet­keri Dıdar Maıjaqanov «Úzdik ruqsat berýshi» atandy. Al «Qaýipsizdik tehnıkasy bilimi bo­ıynsha úzdik fılıal» ko­man­­dalyq atalymy «Almaty JET» fılıalynyń komandasyna berildi.

Osyndaı kásibı jarys­tar óndiristik personaldyń sheberligi men daıyndyǵyn baǵalaý úshin ǵana emes, sonymen birge óńirlik fılıaldar energetıkteriniń bir-biri­men iskerlik baılanys ornatyp, ózara tájirıbe almasýyna múmkindik týǵyzady.

Jeńimpaz atanǵan «Aqmola JET» komandasy bıyl TMD elektrjelilik kompanııalary ara­synda ótetin halyqaralyq ká­sibı sheberlikti shyńdaý birin­shiliginde Qazaqstannyń namysyn qorǵaıtyn bolady.