Qoǵamdyq talqylaýda Energetıka mınıstrligi, «Qazaqstandyq atom elektr stansııalary» JShS, Ulttyq ıadrolyq ortalyq jáne ıadrolyq fızıka ınstıtýtynyń ókilderi sóz sóıledi.
Atom salasynyń sarapshylary jergilikti turǵyndarǵa eldegi energııa tapshylyǵynyń kúsheıýi, atom elektr stansııalary qurylysynyń jobasy, zamanaýı atom stansııalarynyń qaýipsizdigi, olardyń jumys isteý prınsıpteri jáne atom elektr stansııalarynyń qorshaǵan orta men adam densaýlyǵyna áser etý deńgeıi jóninde aıtyp berdi.
Sarapshylar jergilikti turǵyndar qoıǵan suraqtarǵa jaýap berdi. Sondaı-aq, zamanaýı ıadrolyq tehnologııalardyń qaýipsiz ári qorshaǵan ortaǵa zııansyz ekenin jetkizdi.
Máselen, «Qazaqstanda atom energetıkasy damý kerek pe?» degen saýalǵa jaýap bergen Iаdrolyq fızıka ınstıtýtynyń bas dırektory Saıabek Safıev munyń tek Qazaqstan ǵana emes, búkil álem úshin óte qajetti dúnıe ekenin aıtty.
«Arzan ári ekologııalyq taza energetıkany kim óndiredi – sol álemdi basqara alady. Atomdy beıbit maqsatta ıgerý úderisinde Qazaqstannyń ortadan oıyp alatyn óz orny bolýy shart. Bizde atom energetıkasyna qajet dúnıelerdiń bári damyp kele jatqanyna, kem degende, 56 jyl boldy. Máselen, Qazaqstan qazir nege sý-sýly energetıkalyq reaktoryn tańdap tur? О́ıtkeni bul – álemdegi eń qaýipsiz atom elektr stansııasy. Bizge AES keregi joq deýshiler aldymen Chernobyldaǵy, odan keıin Fýkýsımodaǵy atom elektr stansııasyn alǵa tartady. Alaıda bul AES-ter bir kontýrly reaktormen jumys istedi. Al bizdiń tańdaǵanymyz – sý-sýly, ıaǵnı, eki kontýrly reaktor», dedi Saıabek Safıev.
